睡來還可,老婆生日,禾輋中式下午茶,晚飯6人食.夜齊來祝媽咪生日快樂.

昨晚終於出埋兩條片,搞到成1點鐘至瞓,一覺今早8點鐘醒,瞓來算好,無賴床起來,個女在返工,處理一吓曬晾啲衫,洗面搞早餐,唔多開胃鮮奶麥皮,搽塊麵包食算,最後還是烚隻半熟蛋食,量個血壓139/79-53,食埋今早藥8點45分,手碗還有些痛,都係食多粒消炎藥,寫下今早事便辦大事.
大事完畢又10點04分,上輪網11點多鐘,看電視到1點鐘,無晴晴睇吓酒徒個blog,哈?原來大家舊曆生日都忙記咗,認真矇查查?翻睇嗰日做過啲乜事?原來生日前一日,同個衰女炒大鑊,係都無心情啦.
1點多老婆返,今日唔好上網遊戲喇,搞掂啲嘢,早點出去行吓,2點鐘同老婆出門,老婆今日生日,你喜歡食乜呀?意樂定飲茶?老婆選擇飲茶,咁就禾輋食龍悅.
過到龍悅兩點多啲鐘,老婆話事,叫咗碟干炒牛河,米網腸粉,干蒸牛肉同紅棗糕,同老婆食夠坐夠,成3點40分,老婆埋單101蚊.
 
離開就行商場,行完禾輋無嘢買,便踱去瀝源,年老對腳唔襟行,過到雞寶要揾地方坐,坐夠入雞寶,老婆買了個豬肚17.6蚊,話整胡椒豬肚喎?好,你鍾意就買啦,豬扒兩件6.8蚊,街市買舊咸酸菜8蚊,行轉街市又要門口坐坐,才5點多啲鐘,個天黑晒,似下雨又下不出?搭程車返歸,返回樓下老婆入商場同街市再買,我就累得要C,要先返歸.
回家剛好6點鐘,稍後老婆返,買有齋鹵味20蚊,菜芯7蚊,老婆處理買的菜料,我就上網寫下今日blog.

煲落這個湯,料有鹹酸菜,豬肚,白果同胡椒.
 
 夜我來煮飯料有菜芯,洋葱同豬扒,
 
 老婆鹹酸菜胡椒白果豬肚湯
 
 洋葱豬扒,

外賣齋鹵味
 
蠔油灼菜芯,
 
9點24分開飯,6個人食,兩夜食留飯餸.
 
夜齊來祝媽咪生日快樂,