睡來尚好,手痛癒8,9,磅重137,樓下大乜樂,跑馬獻60,晚飯4人食.

昨晚11點多以經上床瞓,瞓不著為笠耳筒聽歌瞓,還好咁上下知頭知路除下耳筒瞓,一覺5點多醒,老婆返工又瞓不返,又要筒耳筒瞓過,迷迷糊糊下倫敦BBC,時事一週,跟住舊日足跡個胡振秋收藏家,犀利?天文地理,又會識咁多嘢?

聽近9點鐘才起來,洗個面搞搞曬晾間啲衫,大鑊早餐無麵包,無偈為自發粉,加隻蛋鮮奶待候,搞好漿待發,辦個大事,回來阿茂開始整餅,加個鮮麥皮,
 
餐前都好耐無上過磅,先來磅一磅,嘩?瘦咗得137磅,

一便早餐一便上網寫下今早事,餐後量血壓122/69-57,食埋今早藥又10點半鐘.
上輪網又11點多鐘,唞番陣看電視,1點鐘跑馬踱馬仔,1點半鐘老婆返,開佢部老爺手提電腦遊戲,毫無頭緒下,賭了兩場30蚊輸埋.
3點鐘同老婆樓下食點嘢兼買餸,還是樓下大乜樂,3點過後好找位,同老婆單對單對號位坐,老婆炸髀餐25蚊,我就朱扒包餐同樣25蚊.
 
碰啱同座街坊到,持有老人待食牌,坐吓聊兩句,說人多排餐喎,不如攞個牌等食好過?由於大乜樂冷氣勁,我同老婆吃過坐夠刨過馬仔,老婆追著凍要走喎?而街坊持牌兩個餐,還有個未到?熬熬聲我同老婆都走LU.
離開大乜樂,例行轉超市,見媽咪麵賣7蚊條,須然屋企還有許多即食麵,同老婆都忍不住手,執兩條,諗吓不如執多條,結果話咁快比個女人掃清光?望吓佢部車仔堆到滿晒,真係著數得咁交關?買埋9.6蚊麥方包走得,臨付錢買多份香蕉5蚊走人.
行入街市見香芋南瓜平4.8蚊,又所剩無幾,又秤個兩斤半12蚊,買斤生菜返歸,行出街市見有件爛膠布,哈,用來冚單車都好啵?於是示意老婆先返歸.
我就拿塊爛膠布去車場,冚我幾部單車,長指甲累事,捆綁時差點反甲,血都滲出,小心翼翼蓋好綁好走人.
回家5點10分,買來有媽咪麵兩條14蚊,麥方包9.6蚊,生菜一斤6蚊,香蕉5蚊,香芋南瓜2.5斤12蚊,芋頭8蚊斤6.5蚊.

馬剛跑完第9場,還有尾場可搏,為有孤注一擲,一於大熱拖三隻冷嘢,結果無隻入圍輸埋,今日又貢獻60大元.
財散人安樂寫我今blog,寫陣blog6點45分,又搞我前日所拍的相片,一搞又8點鐘才來煮飯,料有生菜,雞翼,南瓜同芋頭.

南瓜芋頭煲

香煎雞翼

蠔油灼淥生菜

8點55分開飯,4個人食1夜返留飯餸,話之你食唔食開飯.

飯後果柚子