星期來至好瞓一次,大事好辦,居要費屋租,至電房署修窗事,樓下食大乜樂,走轉旺角買啲嘢,晚飯5人食.

昨晚12點前都瞓,一覺今晨7點鐘醒,去個所便瞓不返,耳筒收音賴床,還好矇矓到8點多,千禧年代,劉紹佳談港獨,聽至8點半有多起來,老婆以醒在手機賴床.

起來調較吓曬晾間啲衫,洗面搞早餐,餐前9點09分量血壓,他媽的氣定神閒都143/77-54,拍醒老婆食早餐,食住早餐上網寫下今早事,餐後9點34分再量次血壓137/77-55,食過今早藥辦大事.
個多星期來辦事不力,今劑總算有交待,都係多得昨晚蕃薯效應,辦完事又10點鐘,開工寫我旅遊blog.
幾天來老婆放假,昨又賽馬日,回來未得閒過,兼夾旅程事幹多,一寫1點45分終於完成首日blog,搞掂輪到今個月屋租,搞掂埋2點多鐘,係時候出街行吓.
老婆話要出旺角街市買生果,好啦,似乎旺角食嘢有困難,不如就樓下食大乜樂,行入街市諗起房署,兩個月前報咗修廁所窗撐,以經兩個月還未有聲氣,於是房署問聲,他馬的,個女人服務差,叫我自己直接打去工程部問?咁即係唔關佢事啦?好,為有自己打去問,又係嗰句未有料,有料再電聯喎?唉!是但啦,話之你唔整啦?
大乜樂我叫個牛肉包餐25蚊,老婆鐵板麵餐30蚊,

吃過坐陣就巴士出旺角,還好等陣以經有車.
出到旺角街市都成3點45分,奶露臣街公廁去個所,唉!個廁所痴線,男廁要上三層樓,唉?撐得我CC吓,搞掂又要落三層樓,攞命,咁既打靶設計誰諗架?
行轉奶露臣海鮮街,海鮮都唔平,大圍還平過佢,無嘢好買便過去廣東道嗰邊街市,行轉街市同生果街,買有碍山梨4隻8蚊,拜神香一筒43蚊,紅柿10個10蚊,栗子兩磅18蚊,白果肉1磅10蚊,栗米6支10蚊,棗子10蚊,合共101蚊.

買完都差不多5點鐘,係時候要走,就旺角街市則搭車返.
回來自己街市5點半鐘,遇見個仔放工返,啱晒,兩大袋嘢就由佢拿回家,我同老婆街市買10蚊芥蘭菜,兩個節瓜7蚊返歸.

回家5點40分,老婆處理買來菜同節瓜,我就上網寫今日blog.
夜7點多啲鐘煮飯,清雪柜料如下,
 


蟲草花木耳彩椒炒鹹肉,

灼淥芥蘭菜

蝦米鹹蛋滾節瓜,

龍蝦頭滾節瓜,



8點10分鐘開飯,5個人食1夜返留湯飯餸.

飯後果杮子棗子碍山梨.