年初四,睡來尚可,整日在家,中心下午茶,行超市,晚餐打邊爐,3個人食.

昨晚出埋篇BLog成1點半鐘至瞓,半夜去個所就瞓到老婆起床,稍醒就瞓到今早近9點鐘,幾天來左大比無晴晴痕,唉?都唔知係咪有蝨?睇嚟要揾啲嘢搽吓?
手機賴床到10點鐘起來.番熱木耳漿洗面空肚食,上網寫下今早事,搞早餐,無麵包為有又蘿蔔糕同鮮奶麥皮,蘿蔔糕今次蒸,又幾好味,辦埋個不俏大事,上輪網又1個上午.
1點多鐘老婆返,老婆遊戲輪,2點鐘齊齊過市中心揾嘢食,今日食快餐店,老婆腸仔蛋湯麵,我就公司治餐,兩位58蚊.

吃過坐夠行超市,行輪超市買咗隻鮮雞29蚊,早餐麥方9.9蚊返歸.
 回家4點半鐘,老婆上網遊戲,我就坐著恰眼睏.
 夜個女又話食,咁就不如打邊爐.

 全部雪柜料,3個人食.
 

年年如是初三一聚,粉嶺逸峯廣場.

年年如是,初三例牌菜,兄弟們一起來個團拜,約好12點鐘粉嶺一酒樓,11點鐘出門,火車相當多人吓,無得坐企車門邊,途中突然胸口有點翳悶,兩肩膞好非常墜感覺,心諗大鑊了?唔係嗰加嘢嘛?企響車門邊好耐,直至粉嶺下車,唉!求神拜佛,黎明不要來,跟住搭278K巴士,一直去到終站.

年年都係帝庭軒一酒樓,今年換咗?逸峯廣場新明苑喎?未來過?下車跟著手機地圖方向行,來到逸峰廣場,咦?有間戲院啵?以為問聲職員?唉?誰知話唔識?再問隔離位啦?哈!佢叫我問第二個?谷鬼氣自己來揾,行不到兩步有扶手電梯,見上便好多人吓?似酒樓格局?於是問聲正下來個女人,上面係咪新明苑呀?佢話來探人咋?唔知啵?跟住有個男人出聲,上面好似有間叫乜乜苑?唉?問都嘥氣,索性搭程上去睇吓.

上到去單車兄弟離遠揮手叫喱度?再望吓招牌,掉…比啲桃花遮咁截?掉..怪不得無人識?跟住見到大佬到咗?單車兄弟拿住張號碼紙,話表姐無攞枱喎?現在排緊隊咋?望吓酒樓門口,嘩,超多人等位?

地胆即地胆,表姐出馬立即有位,坐定定開茶剔嘢食,一共9個人,還有個兄弟夫婦未到,去到1點鐘才人齊.

大佬坐隔鄰,昨晚揾到google相薄,儲存有限量同無限量資料,諗吓好不好同佢講呢?佢啲脾氣做細佬既,又點會唔知吖?根本無得相量,傾唔到兩句?後來終於忍不住口,同佢講兩句,還未傾到句兩,我以經一面屁?唉!嘥氣,都係收口不提會好過些.個侄佢個仔成日話我們無溝通?大佬點溝通呀?

我都係小說話多食嘢,而大佬同其他兄弟一樣,頻頻有火花,大佬實在太主觀太認叻,別人意見一點聽不入耳,嘥氣.

仔仔一枱,傾傾講講食過又差不多3點鐘,找數676元,年年如是AA制,表姐標哥德高望重,當然我們請,須然唔肯,但我們堅持,7個人計,每位96.57,每人1舊作算.

離開酒樓過帝庭軒表姐處坐,大佬有事走先.

上到去坐輪,傾的大多數旅行經,幾年來個個都超齡級數,利士習俗早以經免,外甥坐咗好一會都走,而表姐年年如是,過年糕點少不免,又食番餐,食過糕點係時候散band.

食過年糕點又蘋果橙,臨走又每人質番盒餅.

離開咁啱同遲到兄弟一起火車,傾開大佬往事,又大數N年事,唉!做細佬柒拾年,又有乜我唔知吖?不輪朋友親戚,有誰唔怕咗佢呢?呻不完?我都到站下車.

回家都6點鐘,老婆同個女今日食自助餐來,話唔肚餓喎,叫唔好煮飯,唉?你唔食我要食,雪柜料西蘭一隻,蝦皮,雞蛋同鴛鴦臘腸.

臘味瓦煲飯一煲,

西蘭花拼臘腸,

蝦皮蒸水蛋

結果老婆唔食,我同個女兩個人食.

年初二,睡來可以,終於搞掂無限儲存,傑仔們到,大乜樂下午茶,麥記雪糕,晚無煮飯炒辣嘢兩個人食.

昨晚呀偉收工上來,個女淥麵過佢食,還有上水攞來冬菇蠔是過佢食,傾兩句12點零我都瞓,半夜要去所,還好都瞓返,一瞓就今早8點鐘,手機賴床到10點鐘才起來,煲水洗面番熱木耳漿空肚上住網食.

寫下今早事搞早餐,早餐無麵包,為有淥個麵同鮮奶麥皮食,上陣網辦大事,昨晚搞咗電腦google相薄,由原始相片大小,儲存有限量, 轉去高畫質 (無限的免費儲存空間),
 但手機就揾唔到這一頁,深深不忿下?又上網摷過,哈!又比我找到,於是乎又由儲存有限量,轉埋去高畫質(免費無限量儲存空間).
https://www.bnext.com.tw/ext_rss/view/id/727649

搞掂又1點多鐘老婆返,冇耐隔鄰X太啲仔女,孫仔孫女齊齊來同個老母拜年,年年如是順道過來恭喜我一番,霎時間成屋都係人,互派輪利士,講輪客氣說話,嬉嬉哈哈又散band.

而個仔同新抱等陣要外家處拜年,今晚唔食飯喎?差不多3點鐘個女同呀偉上來,由於屋企得番些少蘿蔔糕同馬蹄糕,要煎真係唔夠食?於是叫個女大乜樂揾位食好過?而新抱扮靚連落街食,都話無時間?無就老公買喎.

落到大乜樂個女同呀偉到咗,個仔就排隊買外賣,個家姐跟住買我們份,每人食個下午茶餐.

 

個仔買咗佢份便拿回家.4個人食過坐夠,老婆又叫食雪糕,於是又轉場隔鄰麥記食,每人一杯,嘆完就返歸.

回家個仔同新抱重未出得門口?唉!扮靚搞足成日?5點15分新抱終於出得門口.而個女同呀偉就坐到成6點鐘才出門.

夜兩個人食,不如清雪柜,料有紹菜,隔夜雞,上海年糕,牛皮干同西蘭花頭.

樣樣切碎炒,

辣椒XO醬炒埋一碟,還有碟隔夜髮菜冬菇蠔是,兩個人食.

飯後果.

大年初一,睡來唔錯,年年如是,大佬處拜年,呀嫂一手好廚技.

昨晚年30邊度都無去,煮飯個仔同個女呀偉食,吃後個仔出街,話同老婆行宵喎?煮埋包湯圓4個人食,12點都上床瞓.

一覺5點半醒.老婆返工,去個所差點瞓不返,好彩耐性些瞓返,一覺瞓到今早8點多醒,手機賴床9點多,whatsapp恭喜頻頻響,恭喜短訊傳來傳去,不如砌張圖回覆吓,還有點意思?

send完一輪,10點鐘起來.

睡來唔錯,番熱木耳漿洗面食,上網寫下今早事搞早餐食,新抱番工,無聊下上輪網又一個上午,什少沖茶的我,沖番壺靚菊普嘆吓.

1點多老婆返,個仔亦瞓醒,個女亦回來,齊齊煎糕食,吃後便北上,上水大佬處拜年.
 年年如是個外甥以經到,而大佬兩個仔同新抱都不在,要外家拜年喎?剩係大佬同呀嫂招呼我們,年年如是吹輪水有好嘢食,呀嫂一手好廚技,三個餸一個老火靚湯,都唔少嘢,食到咀歪歪.

傾的不離同手機有關,同大佬真係無得傾,拗頸多過食飯,大佬有佢啱無人啱,拗輪頸又9點鐘係時要走,返歸又10點鐘,洗個白白就結束這個大年初一.

2017新年快樂

恭喜發財,恭喜大家健康發大財.

睡來還可,沙田中心食大乜樂,買餸三超市,晚飯5人食.

昨晚11點零以經上床瞓,夜所一劑就瞓到5點半鐘醒,老婆返工,瞓不返為有耳塞歌仔瞓,一瞓就7點多鐘,轉聽收音機9點鐘才起來.

煲水梳洗好番熱木耳漿,上網寫下今早事,搞早餐食,餐後量血壓135/77-57,上輪網急不待要辦大事.事畢10點45分又摷吓孤芳不自賞,都係無,萬無目的上輪網又一個上午.
1點多鐘老婆返,搞輪衛生又2點多鐘,過市中心食大乜樂,老婆食熱狗餐26蚊,我就餐肉沙嗲牛通粉餐27蚊.
吃後行超市,今晚得我倆老食,無須多買餸,誰知途中電話響,啲友又話回來食?為有又返轉頭再買過,年晚越夜越清光,走轉回來買有759脫脂鮮奶兩盒6.6蚊,康元雜錦餅兩包14.4蚊,檸檬味夾心餅5.4蚊,薄餅粉8.1蚊,合共44.5蚊,
 
 佳寶油角12.9蚊,豆腐兩盒12.9蚊,百佳就柚子9.9蚊,西蘭花6個11.6蚊,燒肉23.8蚊,油雞47蚊,合共118.1元.
 
 買完返歸都5點51分,夜早點煮飯,夜8點15分有得食,有
外賣燒肉,

外賣油雞

螺片磨菇會茜蘭花

蝦皮丁香魚蒸豆腐,

5個人食.

飯後團圓圓

睡來唔錯,煲劇不成,游水600m,樓下食乜樂,晚飯5人食.

昨晚踱馬,煮飯又出埋篇blog,搞兩搞又成12點鐘至瞓,累關係夜所兩次就瞓到今早7點幾鐘,眼光光賴床到8點幾鐘起來,陽光曬入屋,調整吓曬晾衫,煲水洗面,番熱木耳漿空肚食,上陣網寫下今早事,便搞早餐食,餐後9點34量血壓146/75-54,上陣網辦大事,事後10點17分再量血壓,142/75-55,都係有點高.
上輪網諗住煲劇孤芳不自賞,誰知睇咗一集,就版權所限,被刪除晒,喱回真係孤芳不能自賞.
又1點鐘執嘢去游水,過到池1點28分,好陽光,池面熱身,1點42分下水,埋頭游600m夠數,兩點15分起水走人,更衣室沖完個大熱涼,同呀王吹陣水,呀王話六合彩金多寶,投注站排長龍喎,就應吓佢把口,即時手機買番兩注運財號碼20元.
買後返歸,樓下至電老婆食大乜樂,老婆炸髀餐28蚊,我就义燒米餐27,

吃過坐夠街市買菜,菜芯一斤7蚊同兩條茄子4.5蚊返歸.
 
回家4點47分,老婆立即煲落個豆湯,料有栗子,合桃,腰果,蓮子,同好多豆,我就上網寫今日blog.

7點鐘煮飯,料有茄子,煙肉,梅菜同菜芯,

煙肉梅菜茄子煲,

蠔油灼菜心,

栗子合桃,腰果,蓮子,多豆湯,



8點14分開飯,5個人食1夜返留飯餸.

飯後果,長啤梨同蕉
 

一覺天光,又開始煲劇,游水600m,759加價車仔麵,銀行攞歲晚錢,年晚消費嘢,麥記歇腳雪糕,夜馬執些少,晚飯5人食.

昨日踩轉單車累得我C,人老車重無偈,煮飯企餐C,出埋篇blog又成12點幾鐘至瞓,太累一覺就今早8點鐘,太累不願起床,手機賴床成10點鐘起來,陽光曬入屋,嗱淋處理吓曬晾的衫.

番熱救命木耳漿,煲水洗面食,上陣網寫下今早事搞早餐,餐後10點50分量血壓126/75-58,今日事上網.
執輪我的日記又12點幾鐘,前日無聊摷吓歌仔,摷到隻郁可為,好好聽歌仔,摷吓個底原來套新劇插曲,以為有劇睇啦?誰知太新未有睇住,但又摷到套叫孤芳自不賞,劇名好吸引,而且主角鍾漢良又幾好吖?於事乎睇咗一集,似乎唔錯,又睇吓可以睇得幾耐?
http://8drama.com/189652/
看陣第二集又1點鐘,執嘢去游水,過到泳池1點24分,更衣至搞掂一切,池面熱身,陽光超正,暖粒粒,1點39分下水,有點凍?50m後似乎適應,埋頭游佢600m起水走人.更衣室搞掂一切,同呀王吹吹水走人.
好運759會老婆,老婆未到揾定位,兩位三餸麵59.8元,加了價?
 
吃後坐輪,陪老婆銀行攞錢,老婆話要2500元,1千元要100元紙,1千元要20蚊紙,其餘嗰幾張要500蚊紙喎,個女職員笑住說,其如無幾多啵?我就答句咀,嗰幾張要攞支槍嚟攞囉,職員好熟吓,笑起來,其實嗰幾張係要50蚊紙.
攞完利士錢就開始消費之旅,卜佳消費有柑12個19.8蚊,蘋果12個39.6蚊同炭燒腰果72.5蚊,外便海味鋪綠茶南瓜子一磅48蚊,紅瓜子一斤58蚊,街市年糕兩個30蚊.

消費完畢,老婆愛踱路,同老婆公園沿城河邊,踱吓坐吓返歸,返回樓下商場,抽住兩大袋嘢,走進麥記食杯雪糕歇歇腳,

歇腳後街市買截蓮藕3蚊,韮菜2蚊返歸.
 
回家6點37分,老婆處理今晚餐菜料,我就上網寫今日blog,有馬跑第4場投下1搭2,正Q同位置Q,結果係中咗,可惜條Q由40多陪,得番177.5元,位置Q由14倍得番89元,唉!為有收復心情煮飯.

959

25-01-2017 20:03

跑馬地 星期三

連贏位置Ｑ

4 場    1 育馬妙星 + 2 綫路神駒 $10

$20.00

$266.50

8點07分煮飯,有排卜,牛皮干,煙肉,韮菜,蓮藕,三文魚骨,蝦皮同丁香魚. 排卜牛皮干蝦皮丁香魚炒韮菜. 煙肉炒藕片. 香煎三文魚骨. 又成9點29分開飯,5個人食1夜返,留飯餸.