睡來唔錯,私人面盆,游水600m,禾輋食粥,買米8kg55.9元,晚飯4人食.

昨晚真係好攰,瞓唔好,游水,買餸同老婆行餐懵,煮飯企鑊,11點零都瞓,一覺今晨6點半鐘醒,去個所,矇查查還以為老婆唔知醒返工?望真啲原來已返工,回床再瞓,咁就瞓到8點鐘醒,近排少有瞓得咁好,手機賴床都9點鐘來起.

起來洗面諗吓?天冷無熱水洗面好難頂,要揾個盆至得?諗起食盆菜剩下幾隻盆,不如洗淨個做我私家洗面盆,搞掂洗淨個盆,煲點熱洗面,跟手搞早餐食,餐後以經10點鐘,量個血壓135/77-55又幾好啵,食埋今早藥上網寫下今早事.
上輪網無所事事,揾啲嘢搞吓,就係個私面盆卦去邊好呢?地方所限,墻壁空間都無幾?足知諗到個磁盆底,讚個隆收口羅絲卦得,搞掂以經11點45分,新抱返工.
上陣網又1點鐘,執嘢去游水,中途遇老婆返,過到池1點半鐘,更衣室熱身,上池有些少太陽,1點42分下水,水有點凍,游咗50m以經適應,埋頭慢游,12個塘2點17分夠數起水走人.
更衣室搞掂一切,同呀王吹陣水,便過禾輋會老婆,單車過到去禾輋,老婆還未到,咁就12蚊場等老婆.
老婆話想食粥喎,咁就金時酒家下午茶,老婆就鹹瘦肉粥配炸麵,我就艇仔粥配炸麵兩位56元.

吃後坐夠買餸,先行惠康執兩個抽子25.6元,跟住過歷源,腳痛關係,叫老婆踱路過去,我就踩單車前去.
過到去759買包農家小女8kg米55.9元,煙肉兩條41.8元,
街市買件豆腐4.5元,就同老婆分路,佢搭車我踩車回家,返回自己街市,同老婆會合,買兩扎西洋菜12元返歸.
 
回家6點05分,老婆處理買來菜料,我就上網寫今blog,累得要C,寫兩寫恰著眼睏.
7點54分煮飯,料有西洋菜12蚊,昨日剩下魚仔湯,公魚干,豆腐,上海茶干同司華力腸.
 


 西洋菜豆腐滾魚湯,

 茶干,公魚干,辣炒司華力腸,
 
 清炒西洋菜,
 
 煎豆腐,

8點半鐘飯,4個人食1夜返留飯餸.
 
 飯後果香蕉