昂然進入2017,牙痛收歛,老婆放假,入煬取匙扣,貢獻20,三洋下午茶,極之不禮貌,麥記加價雪糕,晚飯三人食.

昨晚11點55分才沖涼,一沖就跨越兩年,手機待候到1點鐘才瞓,一覺今早7點鐘醒,太累賴床到8點多起來,番熱最後劑木耳漿,梳洗後食,搞下早餐,叫手機賴床老婆食,寫下今早事,一年開始2017一磅,137無什變動,

 

食過早餐,辦妥大事,就來設下我2017生活表,一搞又12點鐘,係時要出門,往馬場攞我禮品.

同老婆拿著馬會送的免費入場券四張,大圍站見有車便上,車到火炭站下車,御龍山則而入,沿路有好多人,拿住大大疊免費入場券兜售?賣的有老嫩C有九?賣三蚊或五蚊張都有,又奇怪票從那裡來?
同老婆係咁行,13分鐘來到馬會閘口,進場同老婆各拿一個匙扣,再馬不停蹄出閘,兜個大圈再進場,拿我們第二輪匙扣,行得我CC,要找個地方坐,實在行不得,就首個門口,wifi區梯級坐,坐下休息輪至電個侄,人多嘈雜,好不容易才聯絡上.
正當開始刨馬仔,華仔到,而個侄同侄新抱亦到,個個同樣走兩轉攞匙扣,傾兩句後就各有所好,侄兩個就去沙圈看馬匹亮相,華仔就走去會朋友.

我就留下賭場馬,就第五場投下20元4搭10,正Q同位置Q,結果最後200m緊張咗一吓便輸埋,餘下就真係唔識賭,不如揾揾個侄聚聚.走到老遠沙圈,嘩?人多到插針不下,為有等響鐘,騎師上馬出跑道,人群才續漸散,才見到他們倆,跟住齊齊出終點,看場賽事後,便同個侄兩個說拜拜.


 
離開馬場同老婆踱去火炭站,搭程車去大圍食嘢兼買餸,大圍選擇三洋食下午茶,老婆韮菜蘿白餃子湯米,我就牛根腩湯河餐,可能個韮菜蘿白餃子個名子,唔清唔楚,同老婆想法不同,便問句待應,指著餐牌,我要這個喎?條老嘢好不禮貌,嘛係喱個囉,重想邊個呀小姐,唉!喱啲咁既老伙記,重係咁既舊式茶餐廳,再不改進,真係挺淘汰,同老婆講無須勞氣,係一般舊有茶餐室作風,咁趕客法係遲早摺啫.
離開餐室就開始我們買餸之旅,行轉街市買有豆苗一斤10蚊,沙糖桔兩磅10蚊,南瓜,馬蹄同荷豆三樣10蚊,買後又走入麥記食杯軟雪糕歇歇腳,雪糕加價4蚊杯,吃過坐夠個仔傳來訊息,說今晚煮佢兩個飯,唉? 早響吖?就不用買餸,離開老麥,老婆買埋42蚊洗衣液,搭程車返歸.

 回家6點鐘,上網寫我今日blog,6點50分個女來電說回來食飯喎?本來今晚兩個人,唔煮飯,咁就為有煮,老婆處理好菜料,有罐頭茄豆,荷豆,豆干,木耳雞蛋同馬蹄.
 8點50分來煮飯,茄豆蛋同豆干木耳馬蹄炒荷豆.

9點10分開飯,三個人食.