老婆神枱裝新,下午意樂,石仔探戰友,判頭年夜飯.

昨日老婆放假,年尾關係,逢假必忙,老婆神位裝新,我就優哉悠哉上網.2點鐘裝新完畢,就下午茶,適逢個女電話到,咁就齊齊樂意.
過到去兩點半鐘,好衰唔衰換咗個袋,忘記帶副老花超,為有由個女來讀manu,我就要個乜Q焗珍珠米餐,個女就公司冶餐,老婆就好多事餐.

吃飽傾兩句,電話響?原來係老友,說今日判頭年夜飯喎?我話乜唔係25號咩?我還同石仔嶺戰友講,25號順路來探佢?唉!你講錯又好?我聽錯友好?橫掂都得閒,咁就4點鐘,沙田火車站等啦.

老友就係咁,(北角麗池),沙田站好多人,廣播講不停,叫人不了停留,大喼細喼在腳下,慘被喼蓋冚我腳,算啦,人多辦年貨無偈,一等4點25分才到,咁就開始我倆長征之旅.

火車上水,站站超人多,順利到小巴站,老人區是分段,我就按制分段嘟百達通,戰友就一向作風,照嘟全程,坐落同老友講,你嘟全程,政府就貼佢全程,碰啱個老婆婆唔肯上車,話車尾佢唔坐?零願搭下班喎?一向善心的我,嗱淋叫婆婆上車,我退位讓過佢,婆婆分段又嘟全程,唉?喱條線唔賺錢就有鬼?條線老人家多,個個不分皂白嘟全程?

5點22分老人區下車,來到戰友所住地方,原來戰友剛剛吃飽坐夠上床瞓,老友孭來大袋燒味為有慳番,戰友瞓響床,精神無比,聲如洪鐘,問乜唔係25號至來咩?冇偈聽錯料?就係咁你一句我一句,戰友肥咗,話食營養素喎?近來還是物理自療喎,唉!咁就半個廢人,石仔嶺一住又三年?

由於晏來又要去元朗食飯,逗留半小時,6點鐘係時候要走.
跨過天橋來到古洞街市站,等車其間九巴sapp失靈,無顯示?好彩稍等便有車,

樓上雅座一點都唔雅?背後傳來好大煲冬瓜聲?似足導遊在講解?高聲大說好介紹,太大聲非常難頂,忍咗好耐,成車滿載無人聲?為有我條老嘢來出聲,大佬細聲啲好啵?才有人附和出句聲,嗰然湊效收佢聲,入到形點2站下車,原來成堆佢鴨仔,手持卷起紅旗係大大聲.

45分鐘車程,7點鐘來到元朗又新街下車。

步行5分鐘來到,往年一樣的老牌酒樓,

晚飯時間特別旺,推門入內超多客在等位,
主人家開足七圍宴伙記,老板未開席以經飲到半醉,談笑風生,踏晒髆頭,

吹輪水8點44分開席,老酒樓即老酒樓,大大碟有水準,食到咀不停,

好食總會有尾聲,10點05分來埋個果盤,就曲終人散.
離開老酒樓,老友有約咗北上再飲喎?咁就各有各行我269D,好衰唔衰送車尾,為有下班等廿分鐘.

順風順水番歸足粒鐘,回家以經11點50分,咁就奔波這整天.