12月31日(日)重失眠,尖寒尖凍,游水500,茶大家樂,晚同老婆食.

2023/12/31   星期日   晴   22C

昨晚依然早早上床備瞓,結果瞓到3點半鐘,宣告失眠,夜3劑,手機捱天光,9點鐘起來.

新抱已蒲頭,我就如常烚水搞早餐,個B蒲頭,老婆蒲頭0954我都早餐.

1050新抱B出門教會,跟住老婆又話過大圍買魚,餐後我辦埋件事,我都攤嚮梳化瞌吓.

瞌咗陣1207老婆返,買有大杏仁145蚊,花生芽12蚊,荷豆14蚊,瘦肉25蚊同魚68蚊.

醒咗十五十六,今日23年最尾一日,但唔夠瞓個頭今日特別昏暈?鬥爭咗好耐,都係去游埋今日.

1257車場起步,1310到泳池,更衣室搞掂一切,池面熱身,略數一吓,廿人都無?稍熱身1325下水,水有點凍,一百一百的游,湊夠500m1406夠數走人.

更衣室沖個勁熱水涼,離開泳池1431,返回車場1450.

好嬲,費事至電個老婆,過到大家樂,去到1502老婆終於打來,求其講句嚮大家樂,衰嘢終於來,我就要個肉丁麵,老婆咖哩角飲檸水,合共39蚊.

吃過坐夠上惠康,28級撐來勉強,行轉無嘢買就落街市,老婆買個魚頭35蚊,腐竹10蚊同薑葱蒜23蚊走人.

返歸1638,個人尖寒尖凍,好想快點上床冚被,1700差忘記剃鬚,特登留到今日才來剃,一於剃走衰氣,好事齊來,剃好後三口子返,衰豬踩滾軸流冰,玩到攰晒.

1900老婆煮妥叫開餐,我才來煎餃子,1906才同老婆開餐.

同老婆食完等廚房用,等到成9點鐘才開飯.

12月30日(六)睡好,頭小昏,新抱見醫生,感冒,廣源邨聚舊吹水,通廚房渠,晚同老婆食.

2023/12/30   星期六   晴   21C

昨晚如常早早上床,馬無賭跑完即瞓,夜所兩劑,就今晨6點鐘醒,連日失眠總算瞓覺好,手機賴床,9點鐘起床.

如常烚搞早餐,1043早餐,餐食咗大半頂不順,要爆?為有封存等陣食,舒服後1043食埋個早餐.

新抱就唔舒服要去見醫生,衰豬瞓到晏晏才蒲頭,我都冇佢咁好氣.

餐後我都攤床youtube聽歌仔瞌陣,一聽12點多鐘,1312老婆開餐,嫲嫲煎兩隻蛋過個食,

今日約咗N年老友,兩半鐘茶聚,1點睇埋個午間新聞,1320以經前去.

都知804超麻煩,週時無車週時爆,以經早出門,車站等極都無車到?唉!嘥氣,等到1340,見有82k巴士,都唔等,就82k,上車前昅到係圓㖄角,奇怪點解唔係黃泥頭,唉!原來改咗?無偈,為有威院轉車,去到威院前一個站下車,以為過對面有巴士上廣源邨,誰知係無?為有走回馬鐵站搭巴士,途中遇著隻大盾龜散步,係咁不向前行,路過啲人見到,貪過癮要餵吓佢.

過到馬鐵,還是搭小巴804,上到廣源邨1420,還以為我最早,誰知兩條友已經到咗.

坐下傾過不停,連點心都忘記拍照,一傾酒樓都收,又輝哥搶住找數,認真不好意思,離開1556,送輝哥巴士站,拜拜.

我都小巴走,走前又同老馬石𡒊坐吹水,又傾一大輪,1719我才小巴走人.

回家1748,個仔已回來,我都嗱淋沖涼,還未入廁沖,老婆呱呱嘈,塞渠滿瀉,一地都係,全是黑豆?老婆話𠊷瀉豆喎?

為有跪地清豆,跟住通渠劑通佢兩次,才搞掂沖涼.

沖完涼1915老婆叫開餐,新抱唔舒服老婆煲有粥,就咁同老婆食.

12月29日(五)重失眠,烏烏吓在家,老婆大圍魚,打木耳漿同大杏仁,個B首度滾軸溜冰,茶大家樂,晚同老婆食.

2023/12/29   星期五   晴   20C

昨晚吵大鑊12點鐘瞓,難以入睡,到睡著都半睡半醒,4點鐘醒去所,又瞓不返,捱輪手機執執篇blog,

5點鐘收音機又捱過,到7點鐘多就瞓咗陣,8點半鐘醒,手機賴陣床,0845起來.

起來如常烚水搞早餐,0949早餐,老婆才蒲頭.

餐後辦不力,事後瞓不好,我都上床躝吓,1115老婆過大圍買魚,跟住新抱B才蒲頭.

1204老婆返我才起來,買有魚75蚊,排骨32蚊同蘿蔔6蚊,回來就搞佢餐午餐,1301老婆開餐.

衰豬佢娘篤促下做功課,我就打大杏仁,1105打妥就浸下木耳,而佢娘教兩教唔舒服走去瞓,跟住嫲嫲頂上.

做完功課,衰豬就多多要求,要求玩佢老豆昨日買的滾軸溜冰鞋,成日心思思想玩,但頭盔未到,你問過你娘才講?後來佢娘親出來,同佢穿晒安全裝備,就扶住佢玩咗陣,佢娘唔舒服就我來接手,扶住佢玩咗一陣,衰鬼已經可以放手行好幾步?玩咗陣佢娘又話去買餸.

1520佢娘返,我同老婆就下午茶,佢娘話無氣力睇B喎?叫我倆帶埋佢去,唉!是但啦。

三爺孫落到大家樂,衰豬要食雞翼?飲華田喎?我义飯餐,老婆就熱檸水,合共44蚊.

吃過坐夠上惠康,有游水對腳係唔同,28級梯級級有力,惠康行轉買咗兩條優益C20蚊走人.

回家1703,三口子已在家,佢老豆返,個B就扭落球場仔踩滾軸溜冰,佢娘有事要落街,我就嗱淋打埋啲木耳漿.

1724搞掂,我都嗱淋沖涼,涼後寫寫blog,夜馬開跑,1922老婆叫開餐,兩個人食.

12月27日(三)睡好,小許昏感,游水500,茶大家樂,晚兩人食.

2023/12/27   星期三   晴   17C

昨晚飯後早早上床,寫埋篇blog瞓,夜所一劑便今晨6點鐘醒,賴輪床到7點多又瞓返,一瞓就9點鐘醒,相當好瞓,連日來失眠今鋪終於瞓覺好.

0912起來洗面,未洗都來唔切,要去爆,昨晚餐大量菜一湯碗粥,終於料到.

舒服後老婆新抱已蒲頭,既然未食嘢,又放低啲,就上磅磅吓,好失望還是139磅?跟住烚水搞早餐,1010早餐.

餐後新抱買早餐返,衰豬才肯出來梳洗擦牙食早餐,我就入房攤床手機,而老婆又話過大圍買魚喎?

一攤12點半鐘,衰豬走來手機,我都執嘢去游水,跟住老婆返,買有紅衫魚兩條50蚊,蝦米50蚊,瘦肉20蚊,木耳22蚊同棗仁派25蚊.

老婆返我都出門游水,單車場1253起步,過到泳池1306,更衣室稍熱身上池,泳客唔多廿人唔夠,1325下水,水有點凍,一百一百的游,湊夠500m,1406起水走人,更衣室沖個勁熱水涼,1432離開,返回單車場1448,至電老婆大家樂.

大家樂老婆到我就食個銀計粉餐,老婆春卷熱檸水,合共43蚊.

吃過坐夠星期三上惠康,買有泰國蛋兩排40.5蚊,十字鮮奶4盒20蚊同廁紙兩條52.2蚊,街市洋蔥兩個5蚊返歸.

回家1633,個B食朱古餅條,食烏咀狗一樣?老婆回來搞我倆晚餐,1715個仔返,回來累到不堪,梳化度瞓,搞到個女沖完涼我來幫吹乾頭.

1907老婆煮妥開餐,同老婆兩個人食.

餐後搞掂埋睡前一切,我都挨床蓋被寫blog備瞓.

12月26日(二)重失眠,整日在家,茶外賣雲吞麵,賭馬輸30.晚同老婆食.

2023/12/26   星期二   晴   16C 

昨晚9點鐘以經上床備瞓,結果都要11點零才瞓著,湯水多,幾次所到4點鐘醒,就瞓不返,捱咗輪,為有手機上網埋年執執個手機相,一執0615手機無電瞓覺,但此中瞓唔著,賴床0920才起床.

起床如常烚水搞早餐,1000老婆,新抱蒲頭,我亦早餐.

餐後成1045個B才瞓醒,我才辦我事務,事後失眠我,走入房攤床試瞌吓,結果都係瞌唔著.12點半揾華吹水,條友今日都要開工,傾兩句收線.

收線後馬又開跑,一於踱馬睇跑馬,1335老婆開餐,而新抱有事要過石門,個B就無得跟去,

1513老婆買餸,凍凍哋都係唔出街,費事個B叫玩滑梯,都係叫老婆買外賣好過.

1532老婆返,買有49菜料,個B就28蚊燒賣腸粉加豆漿,我就34蚊雲吞麵,衰豬唔肯食,趴嚮梳化瞓著咗,唔食嫲嫲食埋.

餐後繼續睇跑馬.4點零個仔返,冇耐新抱返,替嫲嫲買咗兩樽黑芝麻醬230蚊,回來話有啲唔舒服,叫嫲嫲幫佢煲粥,跟住就入房瞓,

1913個B嬲爆爆入來,話嫲嫲叫你食飯喎?原來衰豬比嫲嫲閙,話佢張枱玩玩具,玩到唔願走,阻住嫲嫲開飯,

嫲嫲有煲好鹹皮瘦肉粥,雜菜粉絲煲同煎三文魚同老婆食.

今日跑馬輸30蚊.

12月25日(一)重失眠,老婆買餸買掃把,個B掛住倆老,茶麥餐,夜同老婆兩人食.

2023/12/25   星期一   晴   14C

昨晚9點半鐘以經上床備瞓,以為早點瞓啦,誰知撻極都唔著,直至0150三口子旅行返,還未能瞓著,衰豬返曾試過拉開條簾想入來,可能佢老豆叫住,以為set定手機影入來情況,結果再無入來.

一直反反覆覆的,著與唔著之間,兩次夜所,去到0630個仔返工,我才瞓返,一瞓9點鐘醒,手機賴床見到新抱FB 鋪出佢啲觀瀾湖相,原來咁多嘢玩.

賴床0945起床,天氣暖咗啲14C,如常梳洗烚水搞早餐,老婆蒲頭收洗晾,1038我都早餐.

1100老婆話去買餸喎?餐後我就辦件事,1200衰豬瞓,醒還在床,一見到我就嗌爺爺,跟起過來眼濕濕的攬住我,佢娘嚮WTS度講,話掛住我倆?看來係真的.

1222老婆返,衰豬掛住嫲嫲,未入門以經搶要見,老婆返原來去咗好幾個街市喎?揾掃把買喎?話要去咗博康邨商場,抵記才15買把掃把,其他買有兩條黃花45蚊,13蚊菜同把掃把返.

而個衰豬就曬佢觀瀾湖所夾來公仔,話要剪晒啲招牌喎?唉?我唔知?你問過你呀娘,後來才洗面食早餐,1325老婆都開餐.

我都入房攤床youtube聽歌,睇吓可否瞌番陣,結果瞌唔著,兩點多鐘出廳等老婆下午茶,老婆搞蘋果煲湯,話買咗好耐喎?忘記食喎?唉!樣樣都忘記?老人痴呆,搞掂煲湯料成3點幾鐘才出門,落到大家樂,高朋滿座?成3點半有多,枱枱有人,於是乎過隔鄰食麥記.

1544老婆話事,42.5蚊食個辣雞堡餐加條蘋果批.

吃過坐夠上惠康,行轉無消費,返回商場地下,遇見個仔三口子,我同老婆街市,5蚊買個薯仔返歸.

回家1649,我都嗱淋沖涼,涼後三口子返,我都入房拉床,平板上網寫寫blog.

寫兩寫個衰豬入來要平板用?我話爺爺寫緊嘢喎?個衰豬話我等一陣喎?誰知等不到一陣,佢娘叫佢做功課,無奈為有出去,唉!一心等平板?比你叫做功課,咁就心不在然,激到佢娘打佢手板,衰豬唔敢喊,但流眼淚.

後來做完功課,限佢睇5分鐘,就要沖涼.

1959老婆叫開餐,同老婆食,有蘋果雪梨干煲紅蘿蔔煲南北杏.

2121三口子才開餐,衰豬入來叫我食飯,我竟然懵然不知?後來同佢講,我剛才同嫲嫲食咗𡃤,你乖乖去食飯啦.

12月24日(日)早瞓,補數,瞓覺晏,精神好,游水500m,茶大家樂,惠康,街市,晚餐同老婆食.

2023/12/24   星期日   晴   12C

昨晚出埋篇blog10點半鐘以經瞓,夜所3劑,今晨0545醒,睡來尚算補回昨晚失眠條數,收音機半瞓下到7點多鐘醒,諗起去年平安夜中招,入院留醫5日,簡直人間煉獄,咁又一年?手機賴床,聖誕日訊息亂飛?又湊吓熱鬧,又搞搞意思,用砸地台玩具箱,作聖誕快樂.9點鐘我都起來,起來氣温12C,如常烚水搞早餐,老婆蒲頭,1017我都早餐,以為食埋個餐才去辦大事,結果食咗大半,頂佢唔蒲,暢快後才食埋個早餐.

餐後都11點半鐘,有點眼睏?一於攤床youtube聽住歌瞌吓.

好好彩又比我瞌著,到醒望吓鐘1240?正,嗱淋起床執嘢去游水,1253老婆開餐,我都出門去游水.

1305單車場起步,1320到泳池,更衣室暖管下熱身,上池1335下水,100m,100m的游,游夠500m,1415起水走人,更衣室搞掂一切,1441離開泳池,返回車場1459,至電老婆下午茶.

1502到大家樂,老婆到我就28蚊食個米粉餐,老婆咖哩角熱檸水,合共38蚊.

吃過坐夠上惠康,三黃雞特價39蚊,老婆十五十六?天天都雞?老婆拗曬頭?我話諗乜吖?買回去醃鹹雞慢慢食囉,之後其他掃有鮮奶三盒15蚊,牛油果13蚊走人.街市買兩隻佛手瓜9蚊返歸.

回家1645,老婆處理隻雞及今晚餐,我就平板上網寫寫今日blog.

1928老婆晚餐煮妥,有蒸鱸魚,肉片炒佛瓜,蒸饅頭,兩個人食,餐後果牛油果.

餐後辦妥睡前一切,9點鐘我都上床備瞓.

12月23日(六)重失眠,三口子觀瀾湖,修補地台,老婆大圍買魚,整日在家睇跑馬,外賣雲吞麵,馬輸20,晚烏雞老火湯.

2023/12/23   星期六   晴   12C

天氣寒冷,昨晚出動電毡,2321量個血壓都上床瞓,夜所兩劑,瞓到3點零就瞓不返,捱到4點鐘,為有手機上網,上到0515手機無電,後備收音機下一直捱天光,0815手機賴床,9點鐘起來.

起來三口子正忙著出門,堔圳觀瀾湖兩天喎?0910出門後我才梳洗烚水搞早餐,老婆才蒲頭,1008早餐.

餐後辦埋件事,天氣太凍連地板都翹起?行吓踢吓散埋?三口子出門,1點鐘我都襯機搞吓?都係白膠漿侍候,用個B玩具砸住,老婆就過大圍買魚掛?

係咁易搞吓腰腳都唔掂,搞掂又12點鐘,老婆返買咗成311蚊野返.

老婆回來就處理佢中午餐,又煲落烏雞老火湯,老婆返馬又開跑,一於踱馬睇跑馬.

1335老婆開餐,老婆用餐我就發覺另處又翹起,於是照版照碗用白膠漿,又一個玩具箱砸住.

去到成3點鐘,老婆問下午茶,唉!唔去啦,叫老婆幫我買碗雲吞麵食算.

1535老婆返,買有34蚊我雲吞麵,蕃茄14蚊?麵後開火烚埋3隻橙食.

馬開跑一直無下注,去到最後口孖寶,整廿蚊玩吓,頭關麥道朗,拖下場兩隻,就由最冷開始諗,見隻13號艾道拿唔騎,走去騎12號牗勝益善,於是買艾道拿,結果跑隻13號,孖寶派1800幾元,唉!捉錯路.

1922同老婆開餐,有藥材烏雞老火湯,紅酒牛仔骨,無煮飯兩個人食.

餐後搞掂睡前一切,9點半鐘上床,趕埋篇blog, 早些瞓.

12月21日(五)睡可,冬至,整日在家,茶大家樂,柜機提款,晚冬至齊齊食.

2023/12/22   星期五   晴   11C   冬至

昨晚凍到早早上床,蓋著被來寫埋篇blog,11點幾鐘瞓,夜所兩劑,便今晨0542醒所,手機賴咗輪,6點多又瞓返,再瞓就0842醒,9點鐘起床.

氣温11C犀利?早餐無麵包,洗個面量埋個血壓164/82-57,同老婆落大家樂早餐.

落到大家樂0947,老婆42蚊早餐,我就37蚊餐,吃過坐夠老婆話要行陣,我就急不及待要返歸,因為實在太急.

返歸途中以經頂不住,昨晚湯渣紅蘿蔔了得?返歸以經爆咗啲出來,回家新抱B剛起床,好彩廁所無人,底底都係?搞掂單嘢,底底要洗埋.

成11點幾鐘新抱B才出門早餐喎?無聊我又搞搞個攤床平板架步.

1點多鐘老婆如常開餐,我就攤床youtube聽歌,聽吓瞌吓不覺又3點鐘.

老婆來叫下午茶?假牙唔掂好想唔好,但要買麵包,去就去喇.

落到大家樂都成3點半鐘?就要碗义瀨餐,老婆熱檸水,合共38蚊,今日冬至,大家樂盆菜好生意,堆滿外賣盆菜.

吃過坐夠銀行柜員機提錢,1613手機提款兼打薄,搞掂惠康買13.5蚊買嚿麵包走人.

回家1636,三口子以回來,我都嗱淋沖涼,涼後入房攤床寫寫blog,寫輪話之你,youtube聽歌.

2046叫開飯,一家5口冬至開支紅酒食一餐.

12月21日(四)睡可,寒冷血壓高,老婆醫療車,走轉好運食海皇,沙田中心買嘢返,晚三口子街,同老婆藥善雞煲.

2023/12/21   星期四   晴   13C

昨晚馬跑完11點幾鐘瞓,夜所兩醒醒,稍為捱吓,好彩瞓返,一瞓就8點鐘醒,手機無電,稍賴0812起床.

起來氣温13C,如常烚水搞餐,寒冷血壓特高159/78-53,老婆蒲頭,1002早餐,新抱B才蒲頭搞早餐.

餐後老婆又話落街買餸,我辦埋件事都攤床唞吓,1102老婆返,買有冰鮮雞隻36蚊,牛仔骨58蚊,生菜9蚊,鰵魚頭25蚊,同一個日曆22蚊,後來才知去醫療車攞籌睇醫生兼買餸返.

老婆返我又繼續攤床youtube聽歌,一聽兩點幾3點鐘,老婆來叫下午茶,我才熄機起床,跟住老婆話不如過瀝源食粥囉,當然好吖,即時1505搭程車去市廣場,跟住經沙田街市行去,去到好運商場,突然諗起海皇店,老婆又行得快,要大聲叫才回頭,不如就食海皇,海皇45蚊要咗個下茶餐,

吃過坐夠1603,同老婆過沙田中心,買有葵瓜子15蚊,腰果50元,鍋貼兩盒40蚊返歸,返回自己街市買10蚊冰菜返歸.

回來1719,個仔已回來,三口子在家,1825三口子有節目出門,老婆就處理今晚餐,我就早點沖涼,嘩!超冷凍,搞掂同老婆開餐,有藥善煲雞,炒冰菜,同隔夜粟米雪梨乾紅蘿蔔湯,凍凍哋我就倒些酒溝藥善湯飲,飲到一身㷫合合,面都通紅,一煲藥善雞同老婆食晒.

餐後做好睡前一切,2120量埋個血壓150/86-62,我都上床被竇下寫埋篇blog才瞓.

2330三口子返.