12月13日(三)睡好神差,倆老大家樂早餐,倆老齊湊B,單車兜B兩圈,茶大家樂,晚同老婆食.

2023/12//13   星期三   雨   24C

昨晚出埋編blog成12點鐘才瞓,夜所一劑就瞓到今晨0640醒,收音機下又瞓過,8點鐘醒,手機陣都起床.

新抱B忙返學,早餐無奶煮麥皮,不如落大家早餐,老婆話好,咁就番熱最後劑木耳漿食,新抱B出門返學,我就辦埋件要事,老婆烚埋水就齊齊落大家樂,兩個早餐合共79蚊.

吃過坐夠傾夠上惠康,惠康一掃有廚房紙兩38蚊,泰國大蛋兩排36蚊,三盒鮮奶15蚊,橙8隻20蚊走人.

街市買有鰵魚頭45蚊,炸支竹14蚊同葱3蚊走人.

回家1119坐陣,量個血壓,1155同老婆分兩路去接B放學?老婆行路,我就踩單車前去.

去到1205,到1209老婆湊B到,衰豬見有單車好想坐?於是抱佢上車推住行.

去到溱八橋底,見無乜人,於是載住佢兜兩圈等佢過吓癮,玩得佢超開心,跟住返回單場1233,

鎖妥單車然後街市,買個B吃燒賣腸粉同黑豆漿28蚊返歸.

回家1245個B開餐,老婆處理佢午餐,1303老婆開餐.

餐後嫲嫲篤B做功課,我就入房攤床,電話揾華仔吹水,一吹差不多粒鐘,老婆來叫下午茶,嘩!乜成3點幾鐘?

落到大家樂都成1540,要個司冶雞翼餐,嫲嫲熱檸水,合共40蚊,司冶雞翼我就切碎同個B兩個人食,餐前餐後衰豬都徵用我部手機,吃過坐夠街市買兩棵生菜5蚊返歸.

回家1641唞順條氣,1509佢老豆返,嫲嫲就處理我倆晚餐,我都早點沖涼,涼後入房平板寫寫今日blog,1812新抱放工買餸返.

1848老婆開餐有鰵魚頭煲,淥生菜,老婆同我食.

餐後馬已跑兩場,踱馬仔,踱極都唔識賭.