12月9日(六)右板底有刺,睡好有夢,精神差,個B英文班,游水500,茶大家樂,衰多口,晚飯4人食.

2023/12/09   星期六   晴   24C

昨晚12點鐘前瞓,4點零鐘醒所,又瞓不返,收音機捱輪,5點零瞓返,瞓到0722醒所,所後右腳板底有刺,細到肉眼看不見,要用手才感覺到,後來老婆幫手用眉鉗才搞掂,手機賴床,一賴成9點起床.

如常烚水搞早餐,1003早餐.

老婆,新抱B陸續蒲頭,老婆收洗晾,新抱B趕英文補習班,1040新抱B出門補習班.

餐後辦埋件事又11點鐘,無所事事攤床youtube,1128老婆過大圍買魚,1233老婆返,買有菜10蚊,76魚,60蚊豬骨.

老婆返我都執嘢去游水,1258單車起步,1310到泳池,更衣室搞掂一切池面熱身,泳池多咗啲習泳客,1327下水,散游500m,1405起水走人.

更衣室搞掂,1431離開泳池,返回車場1443,至電老婆下來食大家樂.

3點鐘到大家樂,稍等老婆到,我就要個28蚊米粉餐,老婆就熱檸水,合共30蚊.

吃過坐夠上惠康,游完水28級梯有難度,惠康無嘢買走人,街市老婆9蚊買隻木瓜走人.

回家1618,游完水特別累,攤嚮梳化睇電視兼瞌眼睏.

5點多個仔返,冇耐新抱B返,我都縮入房平板上網寫寫blog,電視做緊共建社區大匯演,見個仔公婆討論個匯演,好想唔出聲,結果忍不住出句聲,結果不歡而散.

2055開飯4個人食.