12月10日(日)失眠,神差,早餐大家樂,投票,個B合唱團,大賽輸廿蚊,晚牙痛個人煲粥食.

2013/12/10   星期日   晴   24C

昨晚11點幾鐘瞓,夜所兩劑,4點半鐘醒就瞓不返,歌仔捱收音機捱,捱到6點鐘才瞓返,7點零已經醒賴床,8點半鐘起來.

老婆叫落大家樂早餐,唉!是但啦,於是量埋個血壓,見對涼鞋買咗好耐?如果再唔著遲早爛埋,穿咗對鞋0940同老婆落大家樂.

0953落到大家樂,超多人,要走幾張枱,才揾到張單對單靚枱坐,兩個早餐71蚊,難得一齊早餐,就大吐苦水,傾過不停.

吹輪水不覺1115才離開,離開就齊齊去投票,1121去到郭得勝學校,場面冷清,得嗰幾個人在投,去到不用等,即時可投票,4分鐘就投完出來,接過心意咭就返歸.

回家1139新抱B還嚮企,我都急不及待要去爆,母女就出門合唱團,辦完件事已經12點多鐘,馬又開跑,一於睇跑馬踱馬仔.

睇到第五場,買廿蚊口孖寶一拖二,頭關中,次關緊張咗陣輸埋,去到3點幾老婆問下午茶?懶行,又無乜好食,4點幾鐘裝碗湯食麵包算.

輸咗廿蚊就無賭,牙痛叫老婆煲粥,蠔豉瘦肉粥,就當今晚餐算 .

5點多鐘三口子返,我都早點沖涼,下來佢三口子忙到夠.

睇輪電視,2110三口子開餐,我都入房平板寫blog.