昨晚早早上床待瞓,11點前都瞓著,夜所兩劑,就今晨0547醒,賴床9點鐘起來.
天氣寒冷,新抱B在忙出門,我就如常烚水搞早餐,個B今日合唱團表演,老婆蒲頭,9點幾鐘新抱B出門,1015我都早餐.
餐後辦埋件好事,我都走去床攤唞吓,攤床唔著,為有攤youtube,一睇點多鐘,馬跑咗一場,新抱已經返咗來,話個B合唱團開1415喎,見點半鐘有多?不如早點去.
過到沙田大會堂1406,入到大堂,已經擠滿人等入場,1410開始進場.
進場冇耐演唱就開始,開始少年組,以為偷雞拍番幾留念啦,誰知場內有𥄫住,拍不一陣已經有職員來勸喻,諗落都係無謂拍,賺到時個B出場無得拍.
一路由大朋友唱先,由大唱到細,又A又B組?都係等個B出場,去到1530幼苗A組終於出場,好興奮好緊張,這時一於唔理,一於照拍,以經坐得好近吓舞台吓,好衰唔衰個企另嗰邊,但正對角,實在太遠.但唱兩唱好彩企來近我們邊,於是同佢揮手,哈!竟然望見我們,好開心互相揮手,揮過不停,原來幼苗組係壓軸,1546就散場.
離開嗱淋返回大堂等個B,1602新抱接B出來,跟住新抱B又有另節目,約咗同學仔們馬鞍山公園,野餐兼慶祝生日喎?
去到只不過4點多啲鐘,好多食市得番幾丁友客?嘩!今日星期日喎,咁快咁蕭條?
牙唔妥假牙唔聽駛?都係食粉好過,老婆段食又唔多食嘢,不如就喱間越好啦,我就47蚊食個牛腩河餐,老婆就求其要個小食魚餅18蚊,到我碗牛腩河到咗食緊,跟住18蚊魚餅到,嘩!18魚餅得三小片?跟住個侍應拿張價目來,指住一人最低消費45蚊喎,他媽的?落單時又唔講?餐到食咗才講?老婆話,若係咁同我加杯檸水,條友都係唔夠45喎?谷Q氣,我話差幾多?你同我加埋佢,佢話加個䉀蝦啦,檸水18蚊到咗,到䉀蝦到兩粒仔咁多,佢老母又18蚊,合共101蚊,嗱淋食過比錢走人,你呀娘吖無下次.
離開市廣行吓百老匯同豐澤,諗住睇吓啲迷你PC,結果都無show出來?電腦盲我同老婆都走人,返回自己街市,老婆買50蚊菜料返歸.
餐後準備好睡前一切,開工寫我今日長長編blog,9點幾個女上來,今晚留宿喎?
回家1749,個仔已回來,老婆處理晚餐,馬就跑到尾場,睇埋尾場馬,我都早點沖涼.
1911老婆開餐,牙唔妥食些三文魚,食幾隻饅頭算,進餐期間新抱B返,大袋禮物返,個B係咁拆過不停禮物.
沒有留言:
張貼留言