天陰陰,瀝源拮嘢,大相過膠,金鋪小狗,759買米,晚飯咖哩一煲兩人食.

天陰陰有點涼,今日又無得去游水,好不容易才到3點鐘老婆放工,由於米缸乾塘,又有張合家照要過膠,於是約同老婆過市中心.

過到沙田市中心,瀝源食拮嘢,每人食飯餐,吃後先行沙田中心間影印鋪相過膠,12R過膠5蚊雞,老闆話要等等,要等部機熱喎?見佢咁清閒,又同佢吹句水,間嘢由於影印平都幫襯好多年,睇住佢由好運中心,投注站隔鄰大大間鋪,兩個伙記,來襯都忙到不得了,影印機聲不停,大大叠紙張,現時鋪仔細細,一個人清閒著,氣氛完全唔同晒,老板好健談,講到佢間鋪歷史就轁轁不絕,佢話科技進步,好多都唔須要,做得一日得一日喎.

搞掂後返回瀝源,看759買米有無折?若無就價真棧買包平嘢頂住檔算,過到瀝源商場,見間金鋪門口有幾個C九圍觀係咁笑,又八卦埋去昅吓,哈!原來係小狗一隻,響門口不停咁吠,狗仔丁咁大隻,自以為威猛,搞到鋪外鋪內職員都笑.

過到759嗰然又8折,買咗米一包8kg53.5蚊,芝士辣麵14蚊,碎芝士11蚊,低脂牛奶兩盒22蚊,多春魚兩包23.2蚊,合共又123.7蚊.

 其他買有蕃茄,薯仔同生菜合共11蚊,雞寶魚蛋6.1蚊,雞鎚14.6蚊,魷魚翼14.8蚊,合共35.5蚊.

 

今晚餐料有魚蛋,薯仔隻,生菜,雞鎚兩隻,魷魚翼3塊,同脆皮腸仔7條.

洋葱半個

 樣樣啲咖哩煲

生菜包

兩個人食.