二人單車吹水馬會攞個彩,晚飯三人食.

日日如常,今日一樣,5點鐘又醒,6點鐘望住老婆返工,我就烏眉洽睡過一個上午,中午看埋爭鬥論壇,就睇跑馬,睇咗6場賽馬無動於終,不懂下注,10蚊都無買.

3點多啲鐘老婆放工,馬又唔識賭,不如出街鬆吓,於是約定老婆大圍等.

過到大圍老婆食吉野,我就中午吃過,齍係老婆食個飯餐,無聊至電過華仔,原來就在隔鄰食大家樂,過來吹陣,話要入馬場,諗吓?都好順便運動兼吹吓水,於是叫老婆自己買餸,我同華記入馬場.

同華記一路踩一路吹水,踏到來馬場4點20分,原想趕來看第8場香港一哩賽,可惜來到以經跑完.

來到我就吹水多過賭馬,華記就大癮,跑到尾場,華記叫兩份買條鐵三角,好,就每人15蚊買456角,後來我手機又有wifi,於是趣趣哋買番10蚊,補回剛放棄隻2搭6號,於是話過華記知,華仔話不如又兩份,好咁就每人20啦.

結果華記買條鐵三角中咗,派彩158.5元.

中番個彩,每人分半,佢大份80,我就78.5走人.

回家都7點鐘,老婆預備好菜料,有洋葱,節瓜,蜆肉,豬扒同鹹蛋.

 

還有些少椰菜,我來諗個餸,有麵粉,椰菜,午餐肉同兩雞蛋.

 雞蛋麵粉椰菜絲幾片午餐肉搞埋一湯碗

 雞蛋餐肉椰菜絲煎餅

 洋葱豬扒.

 蜆肉鹹蛋節瓜湯.

 三個人食.

飯後果香蕉