一覺8點鐘,藥湊效腳無事,依舊大圍拮野,晚飯兩人食.

昨日腳痛,逼得已啪粒消炎藥,11點零都瞓,一覺今早近8點鐘,少有可以瞓得咁晏,起來隻腳已經無痛,行動自如,紅腫無晒,粒消炎藥嗰然了得.

 

貪玩長長指甲終於斷了.

 瞓晏咗上吓網又11點幾鐘,錯過咗9點半鐘J2套韓劇,神的晚餐,近年韓劇水準唔錯,獨大翡翠台,睇怕買少見少,我已經一個例子,連大結局我都不會刻意去追.

12點鐘看完十月圍城,去邊處好呢?游水我又唔願,一來佛誕假期,二來雷暴落雨幾日,都係無謂去同人迫.

在家屈屈悶悶又捱到3點鐘,老婆放工來電,又話大圍食嘢兼買餸喎,大圍拮嘢最好,無乜人又經濟,每人食碗飯餐,老婆有蛋20我19蚊.

 飯後買餸,下價魚終於開喇,但品種唔多,同老婆選擇10蚊買份撻沙魚三條,惠康特價嘢有香蕉6.4蚊,蘋果5隻8.9蚊,長啤梨5.5蚊,魚露6蚊,練奶8蚊,青瓜兩條4.5蚊,椰菜3.2蚊,老婆受人所托兩樣西芹,紅蘿蔔12蚊.

 

夜點Mytv追回今早集神的晚餐,我又煮飯LU,料有撻沙三條10蚊,椰菜半個1.6蚊.

 

辣炒椰菜.

 蒸撻沙

 兩個人食,今餐盛惠11.6蚊.

 

飯後果長啤梨同木瓜.