好瞓咗,鼻嚴重咗,啪鼻敏靈,老婆放假,買些少又衰埋,銀行存錢,攞眼鏡食越南嘢,腳痛買餸返,晚飯4人食.

前晚未瞓過,昨晚馬尾場未跑,我以經瞓,一瞓今早7點幾,相當好瞓,好瞓無用,個鼻唔生性,嚴重鼻水鼻塞噴嚏,真係無符,足知都係啪粒鼻敏靈,老婆今日放假.

導指昨日大跌,日經今早應聲跌成5百幾點,港股唔駛講有難,連升兩日,今日肯定回番唔少,9點半鐘以經捕住個市,嗰然低開463點,不久以經500幾點,似乎跌夠喇卦?於是乎入市買番兩手,搞掂後眼鏡好唔掂,都唔願上網,關機看電視.

12點鐘楚漢,看後1點多鐘,同老婆過市中心,銀行存錢,搞掂後連城廣場,眼鏡舖攞眼鏡,老婆兩副1800元,我一副288元,驗眼時以經付清,搞掂後攞點著數,眼鏡盒,眼鏡繩同絲批.

 離開眼鏡舖二樓下午茶,行轉都無嘢啱食,還是間越南嘢,不過要兩點半鐘才下午茶,又要排隊又要等,好在幾分鐘後,以經有位,同老婆每人食個食餐,偈夠腳老婆找數72蚊.

 餐後買餸,百佳麥方包9.9蚊,腳痛關係,行不到一陣,又要連鎖快餐店度坐,偈夠瀝源街市黑豆一斤14蚊,沙田街市老婆上街市,我就門口石櫈坐等,老婆買有豆腐一件4.5蚊,蝦仔一份20蚊,坐夠搭轉車返歸,返回自己街市買節瓜一斤8蚊.

回家老婆處理買來菜料,我就上網昅吓個市,唉!個市彈都唔彈吓,由頭衰到尾,大跌568點,衰咗LU.

夜點煮飯,料有節瓜8蚊,豆腐4.5蚊,蝦仔20蚊,蝦米,雞蛋三隻3蚊.

蝦仁炒蛋

蝦仔蒸豆腐

 

蝦米蝦殼滾節瓜

4個人食,1夜返留飯餸,今餐唔計蝦米,盛惠35.5蚊.

飯後中秋節前,第一盒月餅.