瞓覺好,空肚抽血,樓上嘈音樓上垃圾見主任,大圍食拮嘢,買餸返遇大舅,晚飯人齊食.

昨晚出埋編卜,又成1點鐘至瞓,一瞓今晨6點半鐘,熱醒?走出廳梳化攤陣,又返回床瞓過,咁就瞓到8點半鐘,鼻無事,又幾好啵.

今日要空肚抽血,洗個面飲兩杯白開水便出門,單車過李家誠診所,沿途天陰陰想落兩咁款,過到李家誠診所9點多啲鐘,交過抽血紙,正想坐低等,誰知以經叫到,抽血護士似乎有點新,有人從後提點,好小心好好傾,一抽就6支血,搞掂按住坐陣走得,一踏出門口,嘩!大鑊?傾盆大雨走不得.

 
等咗20多分鐘,雨終於細下來,返歸以經10點鐘,未入門口,聽見極嘈鑽鐅地台聲,於是追過究竟?發覺廚房另壇嘢,樓上又掉垃圾,成包糯米雞在窗頂,鑽鐅聲就從樓上廁所傳來,真係無名火起六千丈,早前餸渣弄污衫,今回紙包雞各窗頂.

立即找鎖匙落房署投訴,鬼喑眼找極都不見,揾咗好耐原來卷廁紙遮住,揾到鎖匙直沖去房署,辦事處反問?用不用見主任,正,求之不得,心諗好多事情要問.

在4號窗坐咗陣,

 主任終於到,一輪咀,樓上嘈音搞邊科,如係裝修可理解,只不過上次漏過水,同你哋備定案啫,至於樓上掉垃圾,一而再無辦法唔投訴,之後問吓擠迫戶伸請情況,問咗輪情況,話會跟進便走得.

返回屋企大堂,問句座枱食蕉,原來樓上房署換廁所,回家正食我今日早餐,又諗起早日加裝水喉,個大閘制壞,閘不住水,於是再至電主任,將情況講佢知,又好啵,到時工程部有人聯絡我,還好,一連串事情總算有著落.
食埋個早餐上陣網又12點鐘楚漢,上陣網個女話整麵包,好呀,好呀,我睬你都儍,攰攰哋響梳化恰陣,一恰又3點鐘,老婆放工,咁就分頭過大圍食嘢兼買餸.
過到大圍,老婆以在拮嘢等,同老婆每人食個飯餐共40蚊,餐後買餸,行轉街市買有排骨18.1蚊,節瓜6蚊返歸.

 返歸途中行到工聯會前啲對面,迎面行來咁熟面口,唉!原來老婆個大佬兩公婆,遇見真係微乎其微,大舅移民加國幾拾年,佢話返來個多星期,住響馬鞍山親家處,返來換身份証喎,還有兩星期才走喎,傾咗輪話幾時一起見面喎,哈!主動權在你處,睇吓點?
 
返歸5點多鐘,個女電飯煲做麵包以經熟,切開又幾好啵.

回家whatapp過二嫂聽,誰知一輪咀,大數喱個大伯不是,重話以後無親戚做,面都唔會見喎,又係嘅,回來個多星期至親的反而不通知,難怪得嬲得咁緊交關,whatapp輪,要煮飯都唔多講.

夜點煮飯,料有排骨食半9蚊,節瓜6蚊,粉絲一扎1.5蚊,雞蛋三隻3蚊,蝦米一執,蜆肉7蚊.
 

 排骨炆節瓜

 蜆肉,蝦米煮粉絲

 蜆肉蒸水蛋

五個人食, 今餐唔計蝦米盛惠約27蚊