相當好一個早上,又做黑蒜,游番水600m,瀝源拮嘢,759買米,撞鬼遇衰人,晚兩人淥麵食.

昨晚12點前都瞓,一覺今早7點多,鼻無事相當好瞓,起來洗個面,以經急不及待要開大,少有超順暢,都好耐無上磅一磅,無多無少140磅,還是差不多,早餐後才9點鐘.

9點半鐘開市,導指帶動,恆指升276點,幾天來都係高開低收,睇吓今劑又點?上輪網看輪電視,11點多鐘見買有蒜頭,於是做黑蒜,搞妥落煲開制又12點鐘,剛好高清台楚漢.

看完楚漢,自從家居革都好耐無游水,於是嗱淋執嘢去游水,過到泳池1點半鐘,更衣室搞掂一切,上池陽光普照,泳客唔多,稍熱身下水,一游200m,稍唞再200m,太耐無游,都係游多200m湊夠600m走人,上池還未夠2點半鐘,沖埋個涼距離3點鐘還有大把時間,同職員呀王吹水,一吹3點鐘老婆來電,咁就約定瀝源食拮嘢.
過到瀝源拮嘢,老婆亦剛啱到,每人食飯餐40元,吃後買餸,759無晴晴又折,公價8折喎,見屋企包米差不多,於是揍包8折米53.5蚊,早餐食麵包9.6蚊走人.
揍住包8公斤米,邊度不用去,放在單車藍上,同老婆沿城河邊,踱吓坐吓返歸,途中遇見關基散步,又聊幾句.
繼續行到條橋,見個女人同隻狗先行進橋,我隨後佢隻狗突然掉頭,個女人立即用身體護住隻狗,跟住話小心小心,我諗佢同隻狗講卦?我部單車同隻狗還有相當距離,據我判斷肯定無問題,我當然唔理照推著單車行,個女人轆大雙眼望住我,我都唔知乜事,話之你照行,心諗你過份緊張啫,隻狗都懂得被開危險,到真的撞過來,我都會停低,話之你.
今日都係黑仔,來游水時,單車踩上行人路,係人都知行人路不踩單車,通常都違例照踩,當我踩到三個女人後便,她們並排而行,根本成條路欄晒,我都好忍讓,無叫過一句讓讓,耐心等她們擦覺,才閃開讓我過,當被開我過時,佢露微吖?竟然有個女人話條路唔得單車啵,唉!好,我忍你.
今日兩單嘢,真撞鬼.

返回自己街市,買半斤菜芯5蚊返歸.

回家5點多鐘,開著電腦,上不到一陣網,攰到不堪,頂不住眼,攤響梳就瞓著,瞓醒已7點幾鐘,馬亦跑第二場,我才煮麵同老婆兩個人食.