晨早鼻水壓醒,諗條來水諗一朝,唔郁唔成事,家居改革,水喉編,午晚大乜樂.

昨晚12點前都瞓,一覺到6點鼻水壓醒,為有起來走出廳坐住瞓,坐住係咁呻鼻水,又塞又噴嚏好辛苦,真係好想啪粒鼻敏靈,唉!都係忍吓你,就係咁忍吓呻吓瞓吓,矇矓下唔覺唔覺竟然瞓到9點鐘.洗個面煮早餐,萬昌就來電,傾輪偈食埋個早餐,辦埋大事又10點半鐘.
百無聊賴,做乜嘢好呢?唔通又坐響企恰眼睏?於是乎諗吓做乜好?水喉含鉛正實銲接位出事,家居銅喉正有部份係用銲接,有無中鉛毒我就唔知?不竟都食咗26年,求個心安,都係要換才安樂,要換清光?咁就大工程.
唉!有銲有埋橄,真考起?

 於是諗吓研究吓,叫做諗出個簡單兼易做方案,大佬年紀大唔踎得,須然無咁切底,按照邏輯應該可以被過啲銲鍚接駁口卦?
就係去到還未到有銲接位嗰度,鋸斷條喉,直接T條喉出來,穿過幅墻.直接帶去廚房星盆,裝個龍頭,專用來飲食用.

一諗以經11點幾鐘,水喉嘢都係初哥,買得料來又怕完不到工,唉!都係留待下星期一再諗.
挨響梳化瞓咗一覺,以經1點多鐘,唉!唔郁永遠都唔成事,都係坐然起行落街買料.
一條6尺4分銅喉78蚊,一個龍頭座18蚊,一個梳結10蚊,一個三义15蚊.

 回來嗱淋開工,先鑽穿幅墻,然後鐅咗個枕頭面,又鑽又鐅,唉!真大鑊?鐅穿條喉,啲水呯呯聲出,嗱淋叫個女閂大制.

 無偈又要多重工夫,用梳結駁番,

 以經3點多啲鐘,老婆放工,啱晒,嗱淋回來幫拖.
老婆回來,我就唔去食嘢,你同個女去啦,同我買外賣,順便買個梳結啦.
老婆回來就開餐.

 吃後繼續開工,

 鋸斷條喉,駁上三义,驗經所限,要鋸堪幾次才OK,搞掂諗起未買龍頭?明天無得賣架,嗱淋叫老婆去買波頭龍頭.

 

老婆38蚊買個龍頭回來,立即裝埋佢,以經6點多鐘,個仔放工返,嗱淋幫埋手,

 搞掂又輪喱邊,梳結駁埋就OK.

駁好以經8點幾鐘,試過水無問題,就三仔乸大乜樂開餐.

 食完個飯回來,唉!一波剛完一波又開始,舊有龍頭漏水,龍頭內塊膠墊蝕咗,制不住呀,更大鑊塊膠墊口羅絲霉,滑晒牙拎不得,個仔幫埋手,點拎都係唔得,好在呀叔有偈,用電鑽,鑽爛口羅絲,反轉塊膠墊加些水喉膠布,墊厚些搞掂.
 
剩下來泥水嘢,日後慢慢搞,老婆不用講大善後,老婆靠晒你.