睡來麻麻,星期日百無,天口涼短變長,下午茶大乜樂,買餸又賴嘢,晚飯4人食,飯後修水箱.

天口涼咗,平時頭靠窗瞓,風大吹得唔過癮,昨晚改變方向,結果夜夜未能入睡,到撻著佢又多夢,瞓到7點多鐘醒,笠個耳筒賴到8點多才起來,睡來麻麻,洗個面食早餐,搞掂一切又10點鐘.

星期日麥動舞,萬無目的上網,摷吓舊相,制作吓相片video,咁就一個上午.

中午凍起來,為有翻衣倒籠揾衫著,摷輪衫由短打轉做穿長,又3點鐘老婆放工,問去邊處食嘢兼買餸喎?來來去去還是過大圍啦.

過大圍途中單車打打氣,大圍大乜樂遇華仔兩公婆,剛啱今早whatsapp過條video過佢,誰知佢話老爺手機下載不到?叫whatsapp過佢老婆喎,搞掂後各自同老婆下午茶.
 茶後就買餸,魚檔買完魚過對面菜檔買菜,正企響行人路同老婆相量買乜餸,突然隻腳被硬物一撞,哇!上下五寸痛到呀媽唔認得,原來條老嘢推部單車腳踏撞正我腳,痛到我掹,便一手推佢部單車,誰知推佢唔冧,谷鬼氣,兜巴星過佢後尾枕,實在痛發火,嗱淋拿起條褲看看,哇!流蚊飯,好在狠狠星咗佢一巴,唔係條氣難下.

止好血摺起褲腳來行,同老婆就住續買餸,買咗梨4個隻10蚊,可惜中招有個爛,得番大半個食,蕃茄5蚊,薯仔5蚊,四季豆兩包8蚊,豆豉4蚊,撻沙拼班仔10蚊,紅衫4條10蚊,合共52蚊

今晚餐料南瓜約1.5蚊,四季豆大半包約3蚊,班仔撻沙10蚊,紅衫10蚊,蕃茄5蚊,薯仔5蚊,蝦干一執

 

 蒸撻沙同班仔

 蝦干南瓜炒季豆

 4條紅衫滾蕃茄薯仔

 4個人食,今餐盛惠約40蚊

飯後沖涼順手睇吓個水箱,水箱來水過舊,制不住長期過滿漏,唉!無偈,為有盡盡人事,哈!咪理,又暫時頂得住吓.