長洲唔成山頂遊,戇居居一日.

2015年10月2日

個仔同新抱齊放假,瞓到成10點至醒,今日老婆亦放假,新抱問我倆有無地方去,無就不如一齊去長洲行吓,我聽見愕晒然.嘩!差不多成11點鐘,去到重駛行?我話你哋去啦,老婆極力話去啦,個仔又話去啦,唉!是但啦.

成11點幾出門,我話唔湯唔水,不如食啲嘢先出發,咁就樓下大乜樂,4個人食兩個飯餐.

吃後成12點鐘至隧巴過香港,過到金鐘以經1點鐘,嘩!長洲點去呀?我話不如上太平山行吓重好,係就落車,於是乎齊下車.

 

挨住香港公園則而上,我講笶不如就行香港公園算啦,橫掂你哋又未來過.

上纜車站條路斜,行到索氣,上到來一望,嘩!打晒蛇餅,人多到乜,哈!你排到夠,不如坐巴士啦.

 

剛好香港公園入口對正,不如就香港公園而下去金鐘搭巴士啦.

 香港公園一定要入觀鳥園參觀吓,

 

入園冇耐,個新抱以經走到去園出口,原來好怕雀仔喎,哈!又會咁?

離開公園行到金鐘巴士站,等咗陣兩點鐘有巴士到.

巴士行皇后大道東,又途經我出生地石水渠藍屋.

 

半小時車程上到來老襯亭.

嘩!纜車客上同落都咁多人?

多年無來過,相信最古舊都係喱間餐廳囉?

坐喱駕纜車,永遠返不到歸.

以前來到,必繞山行一圈,實在太耐無來過,真係唔知掟,越行越遠,睇吓個牌,嘩!要行幾粒鐘?為有折返.

又來到另邊條徑,有個亭,真係一點印象都無,唔同晒LU?

 

觀景台坐輪望輪,又順行這條徑,唉!又係越行越遠,唔對路問吓啲工人,佢話再行都得,不過好遠架,你想行嗰條係盧吉道,哈!為有又返轉頭.

返回山頂廣場,以經3點半鐘,都肚餓,旅遊區食嘢必定貴,為有又揾老麥.

4個人都唔平134蚊,無特價嘢賣.

填飽個肚上天面觀景台望吓,

 

灰濛濛,無得好照,望輪影輪新抱話過對面老襯亭頂再望過.

好,係咁沿扶手電梯而上,都好多人吓,

上到來還差一層?李麗微吖?要收票,問吓價,嘩!掉.....48蚊位,哈!你睇埋都得,真係發達.

無得睇,為有順扶手電梯而下.

以經5點幾鐘,個天又黑晒想落雨,咁就走啦,行到車前站口,大概企位無人上,我話不上啦,應該還有位坐,個仔又話唔好,排隊有得坐,唉!若果單同老婆,上咗車走人LU.

咁就排隊,一等第三駕車才有份,三駕車都爆滿而下,咁夜還有咁多人上來?

 

當我們排到10多個人時,明明前便位係個大叔,何解則邊多兩個女仔?李麗微吖?打佔?我大聲用普通話講排隊,這裡係香港,兩條靚妹CC氣去排隊.

開車冇耐落雨,跟住塞車,司徒拔道塞到大道東,我話不如灣仔下搭隧巴,個仔又話唔好,紅隧塞喎?唉!以經近隧道口,巴士有專線,要塞都係一陣,唉!是但啦.

車到中環又塞過,足知7點10分來到總站,還好,好近天星碼頭.

遠距離拍張摩天輪,就渡輪過尖咀,天星真係好,長者全免,

最最好關閘個大叔,等埋我們,唔係就要下班LU.

過海便神仙,玉兔嫦娥齊來迎接,

 

拍張維景夜照,就結束今天一日遊.

尖東站火車返歸以經8點半鐘,為有又樂哥搞掂.