河源梅州三天(2)梅州,客天下小鎮~皇家名典酒店.

2016年1月20日  星期三

河源梅州三天遊  第二天

昨晚9點幾鐘以經攤響床,望住電視待瞓,棉被硬崩崩,蓋得不舒服,像浸膠袋套上棉被一樣?可能太累,半夜醒過一次,便瞓到6點鐘,攤至6點45分起來,梳洗好拍醒老婆,早點去食早餐.
7點半鐘落到地下餐廳,部份團友已經到咗,早餐自助形式.

大部份中式,烚蛋,蕃薯,炸饅頭,小炒之類,少部份方包類,普通來講算好些,當拿食物經過卡位時,突然聽到女服務員說,這裡不許打包的,我一望,哈!原來係食物機器兩公婆,見個女人無出聲,伸手入個袋拿回出來,續後我再經過,見個男人猛咁食烚蛋,枱面還有好幾隻,唉!咁又何必呢?

 

吃過早餐返回房間,辦埋個大事,還是教育局長唔得掂,執妥行理走人.
9點多啲鐘又起程.

天不做美,整晚下雨,煙雨濛濛,一路白矇矇.

10點20分來到龍川服務區,團友下車鬆鬆,

經過幾條隧道,隧道口裝潢得好鬼靚,有錢即係有錢.

行車非常暢順,高速路夠平坦,一點兒抛震都無.
11點52分來到該團主打,客天下小鎮.正門口好靚,有個大瀑布,可惜要行另邊.

導遊帶著食午飯,要穿越酒店,門口剛巧一對新人在迎寳.

穿過酒店係咁行,導遊都唔識路,後來職員坐著電坪車來帶路.

行咗5分鐘終於來到我們午飯地方,叫客官天下.

地方唔大,裝修得好靚,碗碟好有氣派,可惜光線太暗,拍照困難.


 
菜一到毫不留情,係咁食,好彩菜來得快,抬仔細細好快就輪流替換.

菜色唔錯,特別搶手,未能盡錄.

一輪衝鋒搞掂後,稍唞陣就再往上行.

來到山谷一個平台,山上景像如畫,依山而建卦滿山上.
左邊滿山神佛.

中間亭台樓閣

右邊全是房屋型態



谷底觀賞輪,拿著拐杖,用我對天殘腳,拾級而上,更上一層.

更上一層觀唔同.

回望剛才谷底,原來都行了什高.

整條路都是不一樣的觀音像.






來到這裡,我腳以經吃不消,老婆話繼續上,咪搞,你有你上,我在這裡等你.


等兩等開始雨粉粉,跑不動的我,為有慢踱而下.
在谷底下被雨,稍等老婆到,老婆話上了頂頂行了個大運喎.
之後同老婆返回表演場,等睇表演.
雨勢漸大,走來這裡被雨,看見嗎?雨水從蓬而下,幾大水.

在等期間,一對新人在魚池對面拍照.

由於天雨關係,原定表演取消,咁就冒雨離開.

天雨關係,團友失散,我們把遮都被徵用,係找失散者,原來司機醒目,一早以帶部份人上了車,導遊嚇得一額汗.

人齊又出發.

3點50分來到今晚入住酒店,(皇家名典酒店)

大堂好靜,燈光又暗,似乎無乜客.

派了房間,入住1513,房間設施唔錯,




 
係個窗細啲,但都無景可看.

放下行理巡視一番,便上28樓旋轉餐廳下午茶.
 
清茶一杯,兩件客家全統餅點,大會指定,有錢加嘢都唔做生意喎?
 
食件餅感受吓旋轉氣氛,可惜外便灰矇矇.
 
大約坐咗半小時,便返回房間休息.
18點鐘大堂集合,來到這間百佳園食晚飯,跟團都過來幾次,一次比一次差,看今回又如何?
 
整體唔錯,係碟梅菜蒸肉餅最差,實在太鹹太多獻粉.

飯後返回酒掂,攤唞咗一陣,老婆又話要出去行吓,
 
離開酒店7點50分,個天以黑麻麻,四圍都烏燈黑火,係咁易兜個圈,似乎無乜好行,便打道回酒店.

返回酒店,洗好白白,便各自wifi同whatsapp,又試吓上其他網,哈!FB又得啵,香港雅虎又得,哈!連香港賽會都得,趣趣哋又投吓注,第五場,結果內地第一次投注,第一次輸,第一次10蚊.

輸後都無再賭,看吓電視就這樣結束這晚.

又要下次再續.