相當好瞓,一切良好,整朝上網,游水800m,沙田買餸,中心麥記,晚飯4人食.

昨晚老婆同個女出動埋電毯,我就係如常的瞓,一瞓今晨6點鐘就醒,好唔願下去個所,老婆亦起床返工,瞓不返又笠個耳筒,咁就矇曨瞓到9點鐘,稍賴就起床,一切良好,乜事都無.

今早似乎無咁凍,如常煲點水洗面,弄早餐食,吃後量血壓141/75-60似乎好啲,無昨日咁高嚇餐C,上陣網辦大事,昨晚餐紅蘿蔔,嗰然了得,辦完個大事又11點鐘,開工寫埋河源梅州三天最後一天blog.
一寫又一個上午,關機看陣電視,1點多鐘還是去游水,過到車場攞單車,滿地樹葉,可想場風雪幾咁厲害,清潔工掃餐C.
 
1點37分過到泳池,更衣室熱身,上池泳客唔多,2點02分下水,水有點凍,游兩游我都挨池邊來游,一條氣游佢800m,兩點44分上水,更衣室沖完個涼,老婆以經來電幾次,聯絡好老婆後,約好沙田中心食麥記,換妥衫又同呀王吹水.
過到麥記老婆等到熬熬聲,老婆又要我買嘢,於是乎買個42蚊餐過佢食,買後又排隊,10蚊買個超值麥樂雞包自己食,老婆食後又話特濃咖啡雪糕好過佢喎?

吃後坐咗陣買餸,行轉街市買有到期司華力腸12蚊,豬展24.8蚊,魚胶10蚊同豆腐4.5蚊.

買後又兵分兩路,老婆搭車我踩車回家.
返歸都6點鐘,老婆處理買菜料兼煲落湯,料有魚胶,花豆,合桃,蓮子,百合同腰果,豬展一舊,另兩味有司華力腸兩條,冬姑,蝦米,火腿,豆腐同茜芹.我就上網續寫blog .

夜點我來煮飯,煮兩個餸,老少平安,同司華力炒茜芹.

老少平安

司華力腸炒茜芹

花豆合桃蓮子百合腰果煲豬展



5個人食兩夜返留飯餸.