睡來唔錯,一切無唔妥,早餐熱香餅,救命木耳漿,游水800m,大圍拮嘢買餸,晚飯4人食

昨晚11點幾都瞓,瞓至6點鐘又醒,老婆返工,去個所笠個耳筒又瞓過,之後就瞓到8點鐘,賴床8點多起來,鼻一點都無事,耳鳴還是差不多.

早餐無麵包,為有整餅食,搞好粉漿,洗個面煎得,沖杯朱古力麥皮食得,邊吃上陣網,量血壓,食埋心臟藥又10點鐘.

 
都好耐無食我救命藥木耳,昨晚老婆浸落木耳,紅棗,黑豆黑芝麻,係時候要煲,木耳切碎,加幾片薑,加水壓力煲開火.,跟住開埋個,大好唔掂,要諗諗偈,新抱亦出門番工.
一小時後木耳煲好,攪伴機攪成漿,攤凍入樽放雪柜慢慢食,

1點多鐘過源禾路游水,1點40分到泳池,更衣室稍熱身,上池2點鐘下水,一條氣游佢800m,起水走人.
更衣室搞掂一切,又同呀吹水,3點多啲鐘老婆放工,約過大圍食嘢兼買餸.
過到大圍拮嘢,老婆以經在等,每食個飯餐40蚊,然後買餸.
先行商場,759又6,6,8折,又入去行吓,買咗有麻辣花生兩包14.4蚊,香脆花生7.4蚊,鮮奶11蚊,橙子果醬11.9蚊,諗住去收銀比錢,誰知前便位呀婆,摷極都摷不出個會員証,摷咗好耐,摷到人家開多個收銀,我同老婆就去比錢.6共蚊,搞掂後在門口處理買來的嘢,搞掂重係見呀婆係咁摷會員咭?我同老婆講,不如我拿張會員咭去幫吓佢,過到我話呀婆.你比錢就得喇,唉!兩個老人家係比錢個醒啲外,另個更論盡.

離開759街買餸,買有北京菜心6蚊,蕃茄薯仔12蚊,或仔兩份15蚊,臨走醒起早餐無麵包,度度加價,為有走去金雅買,還好8片還是賣10蚊.

買完麵包又同老婆分道揚鑣,佢剩車我踩車回家.
返歸都5點15分,老婆家務祙鐵閘,我就上網寫陣卜.
夜我來煮飯,有或仔魚15蚊,薯仔蕃茄12蚊,甘菇一包3.4蚊,南瓜同菜芯6蚊.

 炒菜心
 
麵豉甘菇蒸南瓜.
 
煎或魚塊.

蕃茄薯仔滾魚骨.
 

 
 5個人食1夜返留湯飯餸,今餐盛惠37蚊.