相當好瞓,去年今日,游水600m,晚飯一個人食.

昨日做咗廚房個蓬仔,累累哋未夠12點以經瞓,夜所頻頻,好彩都瞓得著,條腰痛痛哋瞓到今早8點鐘,睡來唔錯,聽陣千禧年代,書局失踪案,真搞笑,要獵造,何解唔話佢潛回大陸做間諜?嘥氣,明知身有屎,重邊夠胆上去嫖.

8點多起來洗個面,個新抱叫聲番工,嚇咗一跳,又會咁早?還是先行番熱木耳漿食,上陣網食早餐,今日早餐麥皮鮮奶同饅頭,吃後量血壓13/82-61又幾好,食今早藥,辦埋個大事又10點鐘.
上輪網無所事事,又摷吓2015今日看看,當日耳鳴同鼻敏感極之嚴重,今日耳鳴好得多,鼻敏感叫做無事,係咪就係空氣咁簡單?耳鳴又點解釋?
http://1323kay.blogspot.hk/2015/01/cc.html
看陣電視又1點多鐘,出門去游水,姿姿整整搞到遲咗出門,過到泳池以經2點03分,更衣室無熱身,嗱淋便上池面,求其熱熱身便下水,一條氣游佢600m夠數,2點47分上水,更衣室沖完個涼,老婆以經來電,話今晚同個女出街唔食飯,而whatsapp個仔兩公婆又話唔食.
見今晚無人食飯,就不用買餸,就直接踩車回家,返歸兩母女還未出街,上陣網4點半鐘,兩母女終於出街.
游完水累累哋,在梳化恰著眼,6點多個仔放工返,我都係時候煮飯,一個人食無謂搞咁多嘢,雞蛋1隻,蜆干,開罐午餐肉,9.9蚊罐午餐肉似乎食得吓,我煮飯個仔才出街.

話咁快7點15分開飯,邊食邊睇跑馬,第二場唔通飛快叻?嗰然開口中,看來今晚都係免.