開冷氣,女兒旅行,我無得瞓,母親節老婆放假,行公園買餸返,晚飯4人食.

昨晚老婆嗌晒救命,話熱喎?無偈?為有開冷氣,成季無郁過,要打點好一切,熱輪身才轉冷,搞掂11點多鐘,我同老婆都瞓.

好衰唔衰個女明天旅行,才開始執嘢,明早機台南喎,一執整個通宵,整晚不停擒高爬低,柜桶趟來趟去,唉!邊有得瞓吖?執至今晨6點鐘,終於出門,好囉,有幾日安樂囉?

無得瞓手機賴床到8點鐘,電話響?個女機場打來,唉!又話要影些資料過佢?又要同佢摷,摷到又話唔係?唉!終於搞掂,真係煩?

今日母親節,老婆亦瞓醒,不用上班喎?洗個面大家都開工,佢遊戲我就記下今早事,稍上陣網就搞早餐,朱古力麥皮,花生醬芝士夾麵包,同老婆兩份食,餐後量血壓136/74-56,食今早藥,跟住辦大事,搞掂一切又10點鐘.
 
瞓唔好望住個電視恰眼睏,望吓恰吓兩點鐘,出外行吓,節日當前邊度都唔駛諗,還是踱公園,以往一樣行到乙明邨對開遊樂場坐,往日最涼這裡,今日無風,相當熱, 同老婆吹吓水,覆吓whatsapp, 坐夠又行人,


 
沿途花落滿地,似星星一樣,


 
行到瀝源穚頭個亭,又坐吓,這裡可能高些,有點風同老婆又坐過,教過兩招老婆whatsapp完又過橋,過到對廣場,咦!有嘢睇啵,親切共融嘉年華,又去八吓,
 

 

 
 看輪包甩拖表演同老婆都走,要揾嘢食,大節當前,都不用諗,還是麥記,揾位較易啲?
過到去,哈!果然有人走,坐吓老婆買嘢,剛好有人問到,我話兩位啫,個大嬸好開心叫多謝,是實好難揾位,以往一樣同老婆一包一餐33蚊,吃後老婆問要雪糕無?唔好啦,食咗賺咳,吃夠坐夠買餸.
行輪街市買有勝瓜4條13.5元,蘿蔔兩條9.5蚊,巴西牛肋條62.4元,免冶豬肉11蚊.

搭程車回家5點40分,個仔以回來,老婆處理買來菜料,我就寫陣blog,早點煮飯.
料有芥蘭7.2蚊,勝瓜7蚊,肉碎11蚊,重有點雞湯,8點05分開飯,4個人食1夜返留飯餸.

夜我都瞓,但新抱返買了個蛋糕,(年輪蛋糕)母親節快樂喎.