鼻感半夜塞醒,睡來還可,右腳還扯住痛,整朝寫blog,淥麵食,無買餸,晚飯5人食.

昨晚11點零都瞓,一覺4點多,鼻感又到,鼻塞醒,無辦法.半塞半鼻水,唔呻唔舒服,大力呻,呻到鼻咽都痛,呻咗好耐無辦法,為有走出廳梳化挨住呻,5點多望住老婆返工,呻咗好耐才收稍歛瞓返,6點多返回床瞓過,咁就瞓到9點多啲鐘起來.

起來鼻塞變鼻水,呻不停,洗面番熱埋最後劑木耳漿食,上陣網早餐,量血壓131/72-54食今早藥,腳還在痛,又食粒消炎藥,辦埋大事又10點50分.
上網看陣新聞便無所事事,不如續番我耳鳴經歷,耳鳴好番好一段時期,都無去延續過,都係一個懶字,於是一寫又一個上午,1點多鐘老婆回來才叫做寫完.
今日無須買餸,都係唔多願行,就淥麵同老婆兩份食,
 
 3點多都要買麵包,同老婆落商場,諗住大乜樂坐吓,誰知又無位,為有上惠乜買麵包,行轉買咗支特價咸甘桔10蚊,8片方包9.6蚊走人.
回家老婆續上網遊戲,我就梳化看電視兼恰眼瞓,6點個仔放工返.
7點多煮飯,雪柜料有青瓜一條,韮菜花一扎,雞蛋三隻,金筍兩條,葱一扎,洋葱同雲耳.
 


老婆整落手撕雞,

紅蘿蔔青瓜炒雲耳,

葱韮菜花洋葱煎蛋.

話之你開飯,5個人食2夜返留飯餸.