睡來可以,腳痛好多,再食消炎藥,整朝在家烏烏吓,中心食麥記兼買餸,晚飯人齊食,(成員提前生日)

昨晚未及12點鐘以經瞓,一覺4點多又鼻感鼻塞醒,還好呻咗陣,枕頭挨高些瞓返,就一覺瞓到今早近7點多鐘,賴床8點幾鐘起來,幾天來睡來算好一晚.

起來洗面搞早餐食,呀man番早出門返工,餐後量血壓122//69-51,又會咁低?食過今早藥,腳痛好些,但都係食多粒消炎藥,看可否今日去游水,辦埋大事又10點鐘.
巡例上網,上咗陣網對眼超攰,無辦法為有轉看電視恰眼瞓,一恰又一個上午,百無聊賴不如整個黑豆浸醋都好,在整時老婆返,個女亦返到.
 
老婆網上遊戲輪成兩幾鐘,話去禾輋飲下午茶,我話去到都3點幾鐘啦,老婆係都話要去.
咁就齊齊出門,誰知去到馬路紅燈,為有安份等轉燈,咁就走咗部車,無車就等下班,等咗好一會有車,誰知到市廣場大塞車,耐心哋等咗好耐,唉!為有下車沙田中心食麥記,兩包一餐飲奶茶,胃食咭買雪糕送杯雪糕,合共58.5元.
 
餐後買餸,行完卜佳行759,掃完8折既759?轉去雞寶,唉!嗰樣又唔食,喱樣又話唔食,唉!究竟想食乜?結果空手離開.
行沙田街市,老婆二話不說,買10蚊魚胶,話釀鮮冬菇喎?唉!原來個女又話唔食魚胶喎,唉!喱啲不明來歷平魚胶?其實我都反對?我話買得10蚊咁魚胶,我凌願買30蚊兩份青口好過.老婆才去買兩份,唉!我都無你咁好氣,走咗落地下石櫈坐,佢哋下來才上卜佳買肉碎,買時我話夜啦,自己街市收,無菜賣啦?才嗱淋離開,廣場搭程車返歸街市,再買點菜返歸.
 回家6點半鐘,個仔以回家,買來有759乾貨,合共95.1元.

濕貨有節瓜5蚊,生菜4蚊,蕃茄,洋葱同青瓜12蚊,免冶豬肉12蚊,魚胶10蚊,青口30蚊,合共73蚊.

回家老婆立即處理今晚餐菜料,個女又話要處佢個意粉,搞到廚房迫爆, 

咁我就嗱淋搞我啲嘢,節瓜湯,



薑葱青口,

個女既意粉汁

個女意粉

人齊開飯5個人食.



餐後水果腰芒.

夜成員生日,生日快樂.