睡來有夢,整朝上網,禾輋食麥記,行商場,瀝源759遇網友,不用買餸,晚飯兩人食.

昨晚還是12點前都瞓,一覺4點多便醒,好多夢,夢見地盤之類地方,從地盤好高層揾到件嘢,類似音響機盒之類物件,好難才找到部聶下來,出咗聶,差不多到時甩手,跌落地上,嘩!一聲大鑊,可能就係喱一聲,咁就醒咗卦?見醒咗,唔急都去個所,回來就瞓不返LU.

5點多望住老婆起床,叫老婆窗簾布遮好點個窗,出門時開埋部抽氣扇,之後冇耐又瞓返,咁就瞓到今早8點多啲鐘醒,稍賴床起來.

起來幾好,無乜唔妥,洗面弄早餐,餐後量血壓132/72-57,食過今早藥,上陣網辦大事,辦埋又10點多啲鐘.
上網睇新聞,見到元朗有單嘢,個細路踩單車自炒,傷及大動脈,差點流血瓜得,想起大動脈1994年4月15日做第二次通波仔手術,第一次失敗,手術時最記得,個醫生大叫一聲,嘩!好在閃得快,可想而知啲血噴泉一樣射出,手術完畢,要用個榨,連床一起夾住,在傷口上小小位置來止血,傷口係不可以縫針,要等傷口自己慢慢凝固結焦才OK.
到返回病房,有相當時間,個護士來同我慢慢鬆開個榨,哈!竟然我大髀感覺一渣熱嘢灑下,姑娘立即話?還未得還未得?可想而知大動脈幾咁犀利.
https://hk.news.yahoo.com/%E8%87%AA%E7%82%92%E5%96%AE%E8%BB%8A-13%E6%AD%B2%E4%BB%94%E5%B0%96%E7%9F%B3%E6%8F%92%E8%85%BF%E7%88%86%E5%8B%95%E8%84%88-%E5%9C%B0%E8%A1%80-221041169.html
上輪網又一個上午,都要歇歇,看陣電視1點多老婆返,老婆烏吓烏吓坐響梳化,似乎恰眼瞓?成兩點幾鐘,問吓老婆想點?佢才說去禾輋囉,好.
咁就出門,聶內遇見陳太公婆又出動,襯機話聲佢知,喱輪FB真係唔見你倆公婆出現啵?佢話個女幫佢cut咗喎,心諗我唔出聲同你講,你還矇查查,兩公婆結婚相,穿晒裙褂卜帽公開晒?
同陳太兩公婆各有搭車,我同老婆就禾輋,過到禾輋食麥記,一包一餐飲奶茶,餐後來多兩杯綠茶雪糕,合共44蚊.
 
吃夠坐夠行商場,759又77,66折,行個圈無嘢啱買,跟住惠乜還是一樣,同老婆便瀝源去,過到瀝源商場,還是759,因為好想買鮮奶,誰知一步踏入,就見到網友,應該第二次,第一次係禾輋759,嘩好多說話未曾講,我就唯一好想知,有日在Samwei個blog留言撐的那位Lisa L,提及到我,究竟係咪佢?哈果然真係佢,真係好多嘢傾,多是圍繞我個blog,佢又話好想睇吓我個心臟病歷程,因為佢先生心臟有問題?但去到我網頁,好快便走彈回主頁喎?我才醒起篇嘢以前在雅虎年代,之後逃亡搬咗去易點廚,唉!易點廚就係咁衰,我都睇唔掂,記然係咁?看有無機會再重寫過.
講到Samwei佢又係粉絲,佢話睇吓下年好無機會一起同samwei飲茶喎?哈!飲餐茶聚吓好吖,實在太多嘢講,話怕阻住我老婆喎?後來佢電話響才趕住要走.
網友走後同老婆繼續759,唉!越來越無嘢啱買,行了數圈還是買了4包鮮奶39.6蚊走人,今晚佢唔食佢佢又唔食,無須買餸便巴士回家.

回家都6點半鐘,唉!都好似無乜心機咁,個女又話要電腦用,為有blog唔寫住,等佢搞嘢,夜點我來煮飯,雪柜料有瓜子蒼仔同南瓜,

又成8點半鐘開飯,唉!我都無胃口,爬兩粒算,又剩冷飯LU.