晨早醒,睡來麻麻,整朝上網,踱公園食老麥,晚飯5人食.

昨晚12點鐘瞓,一覺5點鐘又醒,瞓不返望老婆起床,為有又笠耳筒聽歌,還是瞓不著,好想起床上網,還是耐性的等,捱到8點幾鐘,同啲友whatsapp吹輪水,9點多啲鐘才起來.
洗面木耳漿上住網食,跟住才早餐,量血壓137/80-55,大事辦埋又10點多,每日事上網,哈!無晴晴睇番自己個blog,哈!又感覺幾好吖?咁學識寫成咁?哈!都比個讚自己.
回味完自己嘢,又巡吓blog,見到威龍又遇搶食惡老嘢團友,真掃興不去也擺,望吓個鐘嘩?乜12點幾?看電視.
看陣電視沖番杯胎菊蜜糖水,老婆返到齊齊飲番杯,兩點鐘同老婆出街,大概無嘢好買,便同老婆踱公園.
同以往一樣,踱到來乙明對開便坐下休息,休息其間見有個家庭三仔乸,在吹肥皂波波,吹到滿天波波,風又大又幾靚,真係好想影番幾張泡泡波波,誰知另條靚仔,係咁拿樹下堆梳水石仔,四圍掟,散到一地都係,見個大人求其話句就算,見咁情況都係走為上著,免得佢掟中,唉!就算掟不到人?難為清潔工掃餐C啦.
 
離開危險地,便向瀝源橋去,過了橋好多花開得好靚,同老婆係咁拍,



 拍完花花行到來這裡,咦?今日假期咩?又會有咁多印印在hea?
 
 離開公園走進麥記,一餐一包食塞米,奶茶我的.
 
用餐其間,對面有間狗鋪,有糉賣?睇真啲原來賣狗糉?真大鄉里,第一次見有狗糉賣?
唉!買不起房子,可買狗竇,吃不起糉子,未必能吃到狗糉?68蚊三件,有三文魚味同豬肉味,還要預訂優先喎?
 
吃過一包一餐同老婆係咁whatsapp,what夠坐夠走人,貢入卜佳10蚊份免冶豬肉走人,同老婆搭程車返歸.
回家5點半鐘,個仔返,個女在,老婆積冷衫,我就寫今blog.
夜點煮飯,料有醃鹹冰鮮雞半隻14.5蚊,蝦米,粉絲2.5蚊同娃娃菜2蚊.

雞蒸熟汁隔油.

雞湯蝦米粉絲浸娃娃.

蒸鹹雞.

8點半煮好,無人埋位,話之你擺開陣勢,拍照食飯,才陸續埋位,5個人食1夜返,才來留飯餸,我都食飽離枱話之你.