睡來麻麻,整朝唔知做乜好,游水600m,樓下大乜樂,長春社廚餘,晚飯6人食.

昨晚12點前都瞓,一瞓今晨7點鐘,瞓不返為手機賴床,一賴9點多鐘,睡來麻麻,外便落大雨,洗面,木耳,早餐,量血壓121/57-56,辦埋大事又差不多11點鐘.今日似乎好唔妥,上陣網以經懶洋洋,無樣感興趣,youtube望兩望都唔想睇,fb老年無上過,登入係咁易睇吓,又無做嘢便登出,坐埋一邊食零食,去到1點鐘,做乜嘢好呢,水連續游幾日,好想唔去,但又無雨落,唔去又唔知做乜好?
見無落雨無籍口,唉?游得一日得一日啦,過到泳池1點20分,更衣搞掂一切上池,來時天陰陰,哈!竟然出猛太陽,稍熱身1點半鐘下水,一條氣游佢600m,夠數走人.更衣室搞掂一切,同呀王吹陣水,至電個老婆,今晚不用點買餸?不如就樓下食大乜樂算.
返回屋企樓下,至電個老婆便行去商場大乜樂,還未去到商場,見有擺檔,昅吓原來長春社宣傳廚餘環保,

早前個女提過有興趣,於是至電個女,衰嘢又唔接電話,為有話之你.
大乜樂揾張枱坐吓等老婆,稍後老婆到,同老婆每人食個下午茶餐,老婆22我24,

吃後行轉惠乜,無嘢買,見個女還未覆廚餘件事,唉!同老婆就走去了解吓,
 
原來係廚餘發酵做清潔劑,了解過後攞過樽樣板走人,見時間還早,這裡又好風,風涼水冷吓,同老婆坐響聊天,坐咗好一會,便同老婆街市買點菜返歸.
回家4點50分,買來有勝瓜5蚊,洋葱2.5蚊同韮王3蚊,

攰到C開著部腦連blog都無寫,便梳化恰陣,老婆就啱晒,用來佢網上遊戲.
恰醒6點鐘,個仔返,個女電話到,起初唔食,現在又轉軚話食,還說呀偉上來食,又多個又無買餸,為有摷摷雪柜,料有勝瓜,甘菇,洋葱,蝦干,公魚干,豬扒,南瓜,雞蛋,韮王同雞汁.

甘菇南瓜蒸蝦干公魚干.


蒜蓉蒸勝瓜,

洋葱韮王炒蛋,

洋葱豬扒,

連隔晚雞骨草瘦肉湯,6個人食1夜返留湯飯餸.