睡來普通,老婆放假,陽光下還是沙田公園,禾輋食麥記,晚食麵三人食.

昨晚還是12點前瞓,一覺今晨6點幾以經醒,老婆放假在睡,瞓不返賴床,無所事事,手機又唔願多看,7點多見個女起床,唉!都係起來好過,早餐煎薄罉,攪定韮菜蝦米同粉漿,才洗面上網,個女便出門返工.
搞掂個麥皮薄罉早餐,拍醒老婆我食先,
 
餐後量血壓127/78-52,食今早藥,老婆起床,我就辦大事,刮埋個貓樣才9點半鐘,老婆問今日邊處喎,唉!星期日處處人多,又烈日當空有邊處好去吖?
11點多鐘還是同老婆行公園,例牌來到這裡,同老婆坐吓傾傾偈,烈日當空,風都唔多滴,人影都無隻.
 
12點多見個老人家,坐住部電動輪椅,飛快咁駛過來,靠自己一雙手,就坐響我們前便,見部佢部電輪椅似乎好正,於是去搭訕吓,了解吓佢部車價錢?又於三唔識七,初時有點介意,後來說明我有位朋友比他更嚴重,他才同我傾得兩句,佢話部車差不多3萬元,义一次用三日喎,佢又話頸椎神經出問題,下肢才失知覺,係事前一點跡象都無喎,係突然其來喎,同佢傾咗好一會,我都唔阻佢,無耐佢又繼續飛馳而去.
 
同老婆坐咗好會,又繼續向前行,來到最風涼水冷地方,瀝源橋頭個亭坐,睇吓啲人來來往往,有老有嫩有BB嬉戲.

坐夠就繼續過穚,向禾輋進發.

來到賓賓印印世界,又遇見食蕉珍在當值,傾兩句坐輪便離開沙田公園,
繼續行去禾輋.
禾輋食麥記,一包一餐33蚊,餐後每人食杯軟雪糕合共7蚊,坐夠同老婆行商場,還是行完禾輋過瀝源.
行轉瀝源買有魚肚40.5蚊,沙糖1K22蚊,豆奶兩盒14.9蚊,生菜4蚊同荷豆8蚊,合共89.4元,搭程車返歸
 
 回家以經7點05分,太夜關係,我來煮麵食算,料有生菜,韮菜,雞蛋,芝士腸同麵三個.
 


8點20分開餐三個人食.
 
 餐後雪糕,香蕉雪糕.