睡來麻麻,晨早醒,整日在寫blog,樓下大乜樂,熱到爆炸,晚飯5人食.

昨晚11點半鐘都瞓,瞓前見自己做咗條短片好得意,只不過00.46秒啫,於是whatsapp過比人睇,結果換來續張30多相片回應,相片不外是豪華團美食照,究竟佢係欣賞,定係煩呢,相順都係唔高興既多,算擺啦,少個可以分享朋友.

昨晚好快瞓著,一覺今晨未及6點鐘以經醒,老婆返工,瞓不返為有笠耳筒聽歌瞓,還是瞓不返,7點鐘個女返工,賴至8點鐘起來,洗面弄早餐,差點忘記救命藥木耳漿,跟手番熱食得,

還未食完以經急不及待要辦事,喱輪朝朝都係咁,搞乜鬼呢?舒服完才食住早餐邊上網,餐後9點30分量血壓146/77-57,又會咁高,都唔理咁多,食埋今早藥便開工,寫埋篇黃果樹最後編日誌.
一寫12點半鐘,出埋篇blog安樂晒.
唞咗陣輪到條片上載youtube,2點鐘老婆返,回來又佢網上遊戲.搞埋條片上youtube,又差不多3點鐘,困咗成日在家,個鼻好唔妥,要出街唞吓氣,問句老婆你點呀,她才關機同來.
落到街熱氣迫人,風吹埋嚟熱的,所以在家緊閉窗戶係對的,還是大乜樂同老婆每人食個下午餐,老婆炸雞髀餐27我23米粉餐,吃後坐夠whatsapp夠,就巡視業務,行轉惠乜,惠乜冷氣特別強,行個圈無嘢啱買,諗住街市買點菜,才打道回府,望吓鐘原來4點鐘咋?不如去最好風處坐吓,誰知去到一樣無風,樹郁都唔郁吓,為有又走人,老婆話不如上商場頂坐啦,好,又沿輪椅路直上.
唉!上到來無乜分別,好啲咁啦,

同老婆坐夠手機玩夠,返回街市買點菜,昨日無冬瓜,老婆C唔噴氣,買包去濕料20蚊,冬瓜3.5蚊斤,秤咗5.5蚊,蕃茄三粒5.6蚊.
回家5點20分,老婆處理今晚煲湯料,

夜個仔遲遲未返,又夜點才煮飯,料有蕃茄,青尖椒同雞蛋



蕃茄蛋

半煎炸青椒

冬瓜瘦肉去濕湯



差不多成9點開飯,4個人食1夜返留湯飯餸.