睡來普通,晨早搞洗衣機,整朝上網,衛訊買三星A9,下午茶麥記,卜佳兩隻雞,晚無煮飯1人食麵.

昨晚如常12點前都瞓,一覺6點鐘醒,去個所老婆又貼紙叫晾衫,咁就望吓部洗衣機,嗰然在運作,望真啲傾斜咗則咗下來?機係4件磚頭剩高,可能洗衫時震動,整部機移位,最埋個磚離咗腳,於是用我個人之力扶番正佢,唉!當時部機注緊水,但以我之力應該抽得起扶得正,但扶極未能成功?未洗面無戴眼鏡的我,舞兩舞條來水喉咀斷埋?真大鑊?好彩事前關上水制,唔係就一地都係,無理由扶不上??戴番副眼鏡望真啲,掉...原來跌咗個膠罐頂住埋唔到,幾辛苦下拿出個膠罐,攝番好部機,來水斷咗點算呢?好彩以前留下個壞龍頭,嗱淋摷番出來,配番個象抜上去搞掂,開番動部洗衣機繼續.
 

搞掂部機返床瞓過,又點會瞓得返,笠個耳筒聽收音機,半瞓下矇矇矓到8點鐘,千禧年代賴床到9點鐘才起來,個女已番工,跟住新抱出門,洗個面戰戰兢兢潄口,幾驚痛到叫救命,好彩無痛,安心下擦牙,究竟係消炎藥,皮蛋粥,生沙葛定鹽水浪口,就不得而知?

洗完個面晾衫,一大箕衫晾完,搞早餐食,鮮奶麥皮,衛星包三舊,搽些少菜三文子醬食,餐後血壓計換上新電,量血壓142/78-55,又會咁高?以經10點鐘,上網寫下今早事,辦大事,辦完大事11點07分再量次血壓129/64-56,今日事上網.

上輪網又11點多鐘,關機看電視,12點鐘羋月傳,星期五無水游,繼續看電視,看夠又恰眼瞓,2點鐘老婆返,個仔蒲頭放假瞓到加吓,老婆上網遊戲到兩點多鐘,唉?襯個仔響度,不如做點嘢,買手機.
坐言起行,帶齊所須資料,2點40分出門,
還是選擇三星A9,由於我買老婆又話要買,都袋夠兩部現金去,到時老婆一定要買,可能要買兩部,後來個仔話,你又無上網買來做乜?諗吓?老婆唔肯為有佢買,我唔買住,.
過到衛訊稍為睇咗輪,問過sales三星C7好定A9好,佢都話A9好,還說我係sony職員.都話A9好,咁就揼鎚買,匯豐咭有150元回贈,問要不要玻璃貼,我話不是包埋咩?佢話包的係膠貼喎,諗咗輪唉?90蚊比佢賺啦,試過機辦妥晒,要e-mail登入機喎?舊有戶口密碼又忘帶有?都好從新開過個e-mail都好,搞掂薟咭機價3098+玻璃貼90蚊,合共3188元由於舊機資料過新機,要一小時喎?咁就過麥記醫肚.

麥記個仔買餐,我同老婆還是一包一餐33,餐後老婆整杯雪糕17蚊,佢同個仔各一杯,吃後坐到4點45分,過卜佳買早餐麵包,又見冰雞特價兩隻50蚊,於是乎整兩隻,9.2蚊買磅方包走人.

離開卜佳返回衛訊,機已經搞掂,試過吓部機走得,還是廣場搭程車返歸.
回家6點鐘,老婆處理兩隻雞,我就上網寫下今日blog,個仔出街,7點鐘個女返.

夜8點半鐘老婆唔食飯,個女又瞓咗覺,我來煮個麵,食埋條烏頭魚尾算.
 

睡來普通,牙痛嚴重,啪消炎藥,整朝上網,游水600m,大圍拮野買餸,晚煲粥炒烏冬5人食.

昨晚12點前都瞓,一覺今晨6點鐘已經醒,瞓不返收音機賴床,一賴8點幾鐘起來,個女返了工,外便有點雨,照常洗面潄口,潄口一吐水,嘩?牙根痛得攞命,忍痛小心的潄,完事諗吓用鹽水?於是一潄,嘩!痛得攞命,後悔昨晚還來個椒鹽多春魚,真攞命,一定要食藥,搞早餐食,新抱番早出門,早餐試食昨買的蒔菜三文魚醬,嘩!超鹹?下次要搽小許便夠,

餐後量血壓,132/73-55,食今早藥,整粒息疼樂,寫下今早事辦大事,搞掂10點08分.
 今早事上網,看輪youtube又11點多鐘,關機看電視,12點鐘羋月傳,看完1點鐘,食個迷你陳皮月餅,加舊衛星包,牙痛還有點痛,都係咪搞,穩陣啲都係食粒食開隻消炎藥才去游水.
過到池泳池1點半鐘,門口又棟個牌水運會吹漲,

一場來到無大池都無偈?更衣室搞掂一切,又要行去舞雷公遠副池,副池水淺800m難游,目標600m算數.
稍熱身1點45分下水,埋頭係咁游,兩點20分完成600m起水走人,更衣室搞掂切,至電個老婆,相量下,不如大圍拮嘢兼買餸.
同呀王吹陣水便過大圍,大圍拮野老婆已經在等,還是兩個飯餐合共41蚊,
 
餐後坐咗輪買餸,牙痛不如食粥囉,屋企有烏冬,就煲粥炒烏冬,行轉街市見有新品種,黃色南瓜仔,叫貝貝南瓜喎?
 


買夠煲粥炒烏冬料走人,老婆愛踱路,推著單車沿學校邊踱回家.

回家5點半鐘,買來有南瓜4蚊,紅蘿蔔4蚊,韮菜2蚊,芽菜4蚊,鹹皮蛋5隻10蚊,豆卜4蚊同瘦肉20蚊.合共48蚊

回家老婆處理今晚餐料煲落粥,料有洋葱,韮菜,芽菜,鹹皮蛋,紅蘿蔔同烏冬.
 
鹹皮蛋鹹瘦肉粥
 
韮菜洋葱芽菜紅蘿蔔炒烏冬
 

 
 5個人食1夜返留粥留烏冬.

睡來還可,腳痛兼牙痛,消炎藥,沽澳執260,整日在家,759食車仔麵,晚飯5人食.

昨晚12點前都瞓,攤落床久久未能瞓著,無偈為手機看youtube,看了好一會才試瞓過,結果須未一覺天光,但總算瞓到今早8點鐘.

稍賴起來,大鑊左膝同腳碗痛,半夜去所以經趌趌吓,趌趌吓洗面弄早餐,大可能游水過度卦?搞好鮮奶麥皮,諗住開個衛星包食啦,佢麗微吖?有蟻喎?重係好多,他媽的昨晚買回來尊登卦起,用單鈎凌空吊住,咁都有蟻欄上?谷鬼氣拍走啲蟻,一把火燒QC佢.

搞掂食早餐,一口咬落個包度,牙痛添?明顯虛火到?可能同腳痛有關連?餐後量埋個血壓125/74-56,食今早藥,唉!都無謂辛苦,都係啪粒消炎藥,希望牙痛腳痛無事,看來今日游水唔駛去?

搞掂後上網寫下今早事,然後辦大事,大事完畢又10點35分,今早事上網.
上輪網11點鐘昅吓個市,跌百多點,又望吓啲澳元,又回升番些少,日線圖以經差不多到頂,都係咪攪賣埋嗰些少,執番260蚊算數.
搞掂關機看電視,12點鐘羋月傳,腳痛牙痛粒消炎有效,須然好得多,今日都係唔游,休息番一日,續看電視到2點鐘老婆返,還是佢網上遊戲,新抱蒲頭,原來放假.
兩點多同老婆出街,搭程車過市中心,望輪手機鋪昅吓三星A9價錢,原來不多,有些更貴過衛訊,看來要買都係衛訊.
肚餓要揾嘢食,選擇759車仔麵,老婆牛孖根咖喱豬皮米線,飲熱檸水,我就牛腩,牛肚,蘿蔔油麵,飲奶茶,合共54.4蚊,

餐後坐夠whatsapp夠走人,行商場買餸,先行卜佳,無嘢買到,跟住759,今日9折冷清清,無嘢好買下,又買支平嘢試吓16蚊離開,輪,輪到行雞寶,13蚊買份倉底多春魚離開,行到街市門口,有得坐吓,同老婆唞順條氣,又繼續返歸,搭程車返回自己街市,4.8蚊買兩條節瓜返歸.
回家6點10分,買來有多春魚13蚊,節瓜4.8蚊,同兩支759,叫時菜魚子醬16蚊,合共33.8蚊.

7點40分煮飯,料有多春魚,節瓜,雞蛋,粉絲,雞汁同南瓜.

蝦米節瓜粉絲煲,

南瓜蒸水蛋,

椒鹽多春魚,

8點40分開飯,人齊5個人食.

飯後果鬼佬茘枝同蘋果.

冷氣下睡不妥,整朝上網,游水800m,沙田中心麥記,買餸,晚飯5人食.

昨晚電視無乜好睇,呀旦個乜Q健康,唉!不如早點瞓,11點鐘我都上床,唉!無開好多天冷氣,老婆嗌熱喎?咁就為有開冷氣,咁就C火,成晚唔多慣,冚又難咁冚又難,啲友又唔生锈,成兩點幾鐘燈火通明,還在廳傾偈,自己湯水又多,結果瞓吓醒吓,今早7點多啲鐘醒,收音機賴床到8點鐘起來.
個女返工,我就懵盛盛的洗面搞早餐,早餐無麵包,為有班戟加月餅,鮮奶麥皮食,
 
餐後量血壓133/74-52,食過今早藥,寫下今早事,便手機辦大事,昨晚個蕃薯南瓜紅蘿蔔湯下,幾天來積聚,一掃而空,舒服晒.
辦完個大事又9點34分,今早事上網,胡亂上輪網11點鐘有點累,要梳化恰番陣,突然想起N年前寫過啲嘢,於是電腦同e-mail摷吓,結果係摷不到,實在太耐,摷不到又12點鐘,電視劇羋月傳,緊張輪又1點鐘,還是執嘢去游水.
過到池1點29分,更衣搞掂一切上池,陽光依然,稍熱身1點42分下水,目標依然800m,慢慢的埋頭游,兩點27分夠數,起水走人.
更衣室搞掂一切,至電個老婆沙田中心食麥記,同呀王吹陣水,突然來了5,6個大陸客,嚦喱咕嚕,又唔係潮汕又唔係五邑話,盲擂擂的揾泳池,又等我指佢方向,啲友都算有禮貌,沙冧過我.
離開池過中心麥記,老婆以經到咗,還是一包一餐33蚊,
 
吃後坐夠4點鐘走人,先銀行打打薄,打薄後行經衛訊,又入去裝吓,睇吓A9爆炸後有無降價,又係一樣,減900後又係3098元,女售貨員見我睇機,又介紹吓,我話A9爆炸啵,重唔減價嘅?好大影響啵,本來我想買變咗要諗吓,佢話假的,條友勒索不遂濳咗大陸喎?哈!又等我番歸睇吓先?睇完A9又睇吓C7,看來諗都係諗C9.
離開衛訊行卜佳,以經4點幾鐘,見員工正在大貼降價紙,衛星包14變12,又執個走人,跟住沙田街市,行個圈,見三文魚頭賣15蚊,烏頭一條又係15蚊,諗落都係執條烏頭走人,

見買的差不多,同老婆兵分兩路,老婆搭車我踩車回家.
回家5點08分,老婆少有唔上網遊戲,我就上網寫下今日blog.
夜早點7點20分煮飯,料有烏頭1條15蚊,落鹽薑片鍚紙包好,蝦干,沙葛半個,榨菜木耳絲同豆腐.
 
 沙葛炒蝦干,
 
 榨菜木耳絲蒸豆腐,

 鹽蒸烏頭

 8點12分開飯,5個人食1夜返留飯餸.

飯後果蘋果.
 

睡來還可,整朝上網,游水800m,大圍大乜樂兼買餸,晚飯5人食.

昨晚12點前都瞓,半夜5點多醒,瞓不返,為有手機賴床,參考吓人家怎寫自傳,5點多老婆返工,上輪網有點累又瞓過,就一瞓8點鐘,賴陣床個女起床,賴近9點鐘起來,個女返工,我就洗面搞早餐食,餐後9點17分量血壓128/73-53,食過今早藥,上網寫下今早事,手機辦大事.
辦完個極差事9點52分,今早事上網,胡亂上輪網又11點多,關機看電視,12點鐘羋月傳,看完1點鐘去游水,1點21分到泳池,搞掂一切上池,稍熱身1點35分下水,慢游800m,兩點22分夠數,起水走人,
更衣室沖完個涼,至電過老婆,今日要買餸,約同老婆大圍麥記等.
同呀王吹陣水便過大圍,過到大圍正鎖上車,老婆就出現,話麥記裝修無開,咁就大乜樂啦.大乜樂每人食個下午菜餐,老婆25我25,吃餐其間,見隔兩張枱有個女人,奶茶下糖時,包糖竟然係大乜活?重係開過得半包?嘩!可止深夜食堂有,大家樂乜都有,又會咁環保咁珍惜食物,好嘢,真的要比個讚佢.
同老婆吃過坐夠,開始行街市,入到街市魚檔,迫窄不在話,你麗微吖,條八婆拿住包裝有魚一膠袋水,係咁漏出,射落我腳度,還好我穿拖鞋,搞到我一腳都係水,係咁迫,來不及媽义佢,又會咁無公德心?
行轉街市買有南瓜半個5蚊,白茄子5蚊,粟米三支10蚊,乾葱三包5蚊走人,

老婆愛行路,推著單車慢踱回家.
回家5點20分,老婆處理今晚餐料,有涼瓜1條,南瓜半舊,粟米1支,蕃薯1絛,紅蘿蔔三支,豆豉鯪魚1罐同白茄子4條,洋葱半個,兼煲落個粟米紅蘿蔔,蕃薯,南瓜湯,我就上網寫今日blog.

夜啲友陸續返,7點半鐘煮飯.
罐頭豆豉鯪魚煮涼瓜,

 腐乳煮茄瓜,
 
粟米,洋葱,紅蘿蔔,蕃薯,南瓜湯
 

 
 8點半鐘開飯,5個人食1夜返留湯飯餸.
 

睡來尚可,老婆放假,整日在家温燉燉,輸馬20,晚有人請食飯.

昨晚12點鐘瞓,須然未至一覺天光,都瞓到近7點鐘,耳筒歌仔瞓,矇矓到8點鐘,收音機舊日足跡鄭文雅,8點半鐘起來,聽著收音機洗面弄早餐,早餐搞掂,拍醒手機賴床老婆食,

餐後量血壓131/72-53,食過今早藥上網寫下今早事,跟住辦大事,事畢才9點50分,今早事上網.
上陣網無什好看,便看電視,就係咁12點鐘羋月傳,我看電視老婆就用咗我部腦遊戲,1點鐘跑馬,就係咁無出街,就整日在家看賽馬,但睇極都係唔識賭,到兩點多老婆話不如淥麵食,好,咁就淥兩生麵,食埋啲煙肉,煎多隻蛋同老婆兩人食.

吃後繼續睇跑馬,老婆續佢網上遊戲,唉!唔出街肯定C火,整個人温温燉燉,坐著望著電視自然就恰眼瞓,就係咁恰吓醒吓,一直去到尾場,見老婆玩夠電腦離開,不如賭番場,一踱就6拖1同14啦,不過都係熱門,唉?吹漲,結果跑1搭14,跑對腳出來.
5-09-2016
17:52

沙田 星期日

連贏

10 場  6 嘉應之友 拖 1 縱橫大地 +            14 比卡超 $10

$20.00

7點鐘有人請食飯,係時候出門,去到酒樓坐吓,稍等人齊開飯.

 

吃後吹輪水9點多散band,回家9點多.

睡來可以,整朝無事事,副池800m,大圍下午茶買餸,晚飯6人食.

昨晚12點前都瞓,不至一覺天光,都瞓到今早近7點鐘,手機賴床,8點鐘起來,睡來算可以,洗面搞早餐,還是鮮奶麥皮,衛星包兩舊加個奶皇月餅食,
 
餐後量血壓132/75-56,食今早藥,上網寫下今早事便辦大事.
事畢又9點37分,今早事上網,上陣網無乜好看便看電視,12點鐘羋月傳,看完1點鐘,還是去游水,過到池1點半鐘,一望門口個牌,真大劑水運會,大池無得游,

唉!無偈?一場來到為有照入場,更衣室搞掂一切上池,大池堆滿學生,看台又係,看台人在吶減,差在没旗搖,池邊學生排晒隊等落水,落到水拼命游,計時人係咁打錶,場面墟撼,我就要行到尾過邁亞美個副游.
過到副池稍熱身,1點40分下水,副池人多,唔係一家大細,便係一對一教泳,加埋啲遊魂夜鬼,看來600m都有難度,唉!早點下水早點收工,埋頭係咁游,左閃又被,漫長下捱了600m,唉!唔爭在嗰200m起水走人.
又行舞雷公遠返更衣室,沖埋個靚涼,至電個老婆,要買餸,咁就大圍買餸兼食嘢,大乜樂喎.
同呀王傾陣偈,就過大圍,過到大乜樂老婆以經在等,還是同老婆每人食個下午茶餐,老婆25我24蚊,坐正個冷氣位,坐陣都走,買餸.
行轉街市諗住雞寶買隻冰鮮雞,哈?誰知賣剩一隻,無得揀梗係no啦,咁就行上惠乜,哈!竟然有到期特價雞,是但啦23.7蚊揀隻走人.返回街市買埋菜返歸,由於雞今晚食要醃,老婆主動乘車走.
回家5點05分,買來菜心5蚊,涼瓜5蚊,紅蘿蔔5蚊,冰鮮雞23.7蚊,合共38.7元.
 
夜煮飯,料有雞,紅蘿蔔,菜心,木耳,涼瓜.南瓜同蟲草花.



 半小時雞熟料稔,

 老婆開工斬雞.
 
 蒸鹹雞,

 蒸雜菜,

 雞汁烚菜心,

蘋果海星螺片南北杏煲豬骨.

開飯,飲碗湯身體健康,
 
 6個人食1夜返留湯飯餸.

唔飲酒既我,開番支有氣提子汁.

飯後果新高梨

果後又雪條.