睡來可以,老婆放假,踱公園,沙角食個飯好唔掂,瀝源買餸,晚飯5人食.

昨晚11點幾都瞓,一覺3點多醒,去個所差點瞓不返,還好耐性點瞓返,之後就瞓到7點多啲鐘,陽光入屋醒,瞓不返手機賴床,老婆放假亦在手機賴床,賴至8點多啲鐘起來.

洗面搞早餐,拍醒賴床老婆食,

餐後8點42分,量血壓127/70-51,寫陣blog食埋藥手機辦大事.
大事不妙又9點17分,上網看新聞,係咁易看吓,無什好看,無所事事下,不如早點看埋集羋月傳,等陣早點好出街,看完才10點07分,老婆休息都係早點出去行吓,唉!老婆遊戲不離手,等吓5分鐘又5分鐘,一等成11點多鐘才能出門口.
落到街烈日當空,週日處處人多,邊度都唔想去,還是以往一樣,靜靜哋行公園,還是月明對開個公園仔坐,又靜又陰涼,同老婆各有所好,佢手機遊戲,我就研究吓個whatsapp新功能,
 
坐吓傾吓又粒多鐘,老婆嗌肚餓,咁就就近沙角邨商場揾嘢食,行完商場一圈,還是選擇大乜活,貪佢坐得舒服,可以坐耐些,老婆雞髀米粉餐30蚊,我就迷你义飯餐27蚊,喱輪食嘢好唔掂,碗义飯又硬,啖飯在喉嚨唔上唔落,於是乎飲啖水沖佢下去,唉?誰知結結聲落不得?差點倒轉吱番出來,唉!好辛苦下,胃氣又多,真係唔知乜料?希望少事一盅,消化不良啦,同老婆坐咗粒多鐘,
 
成3點鐘才離開,又開始我每日事買餸,還是沙田街市歷源邨一帶,買夠便搭程車返歸,樓下街市買斤菜心7蚊返歸.
回家4點40分,個仔已放工回來,買來有冬菇63.2蚊,冰鮮三皇雞一隻34.6蚊,布包豆腐兩件8蚊,菜心7蚊.

 回家著咗部腦,馬就剛跑完第八場,又踱吓馬仔,踱極還是唔識賭,結果坐響梳化恰眼瞓,恰醒馬跑完,看埋晚間新聞早點煮飯,料有麵巾,榨菜木耳絲,菜心,布包豆腐,沙葛同煙肉.



煙肉榨菜木耳絲蒸豆腐,
 
 煙肉炒沙葛,
 
甜酸煮麵巾,
 
灼淥菜心,

8點半鐘開飯,5個人食1夜返留飯餸.

飯後果,牛油果,水晶梨.