睡來可以,晾大量衫,整朝上網,沙田中心食麥記,消化不良梗梗住,行轉超市買幾件衫,晚飯5人食.

昨晚12點前都瞓,一覺今早7點多醒,瞓不返收音賴床,8點千禧年代,官商鄉黑勾結,唉!香港地原歷史,又邊會有咁簡單?等睇好戲啦?聽陣我都起床,老婆又留下字條叫晾衫,打開洗衣機一睇,嘩?好大箕衫,一晾大半粒鐘,又會洗咁大箕?遲早出事機玩完,一定要話話佢哋知.

晾完衫搞早餐,依然先早餐後木耳漿,餐後量血壓134/70-57,食埋最後劑木耳漿辦大事.
大事完畢又10點24分,今日事上網,看陣新聞以經轉看youtube,一看又12點鐘,關機看電視羋月傳,看完1點鐘,今日泳池清潔日,無得游水,續看電視到2點鐘老婆返,回來還網上遊戲一番.
兩點多鐘係時同老婆外出行吓,搭程車過沙田中心,還是麥記食嘢兼坐吓,又出乎意料大把位,久違巨無霸餐又整個26蚊,加個麥香雞包10蚊,合共36蚊.

喱輪消化唔掂,吃後梗住梗住,胃氣不時湧出,真大鑊?同老婆坐夠就行街買餸,先行行去投注站昅吓,自從網上投注,站內售票機同資訊一切都陌生,又看吓人家怎運作,原來咁先進,真係大鄉里?看後同老婆講起食咁多外賣熟雞?都係自醃鹹雞蒸好食,於是又轉行去卜佳,又看吓有無29蚊特價雞賣?結果係無,行個圈都走人.
離開卜佳過歷源,行到商場,老婆見20蚊衫咁抵著,又揀吓,廿蚊件要來替換吓都抵,老婆一口氣入了三件,

跟著見日伴城9折,又入去貢吓,買咗個思高地拖膠綿,兩條男內褲,行後就隔鄰759,長期有折?今劑88折,又點會有吸引力吖?冷清清下行咗轉,麥道舞買走人.跟住下層雞寶,見上次買的煙肉又幾瘦,今劑又買兩包,見湯圓18有三包,又執三包走.
天陰陰想落雨,嗱淋趕去卜佳買麵包,去到5點半鐘,原來這個時間開始下價,見售貨員係咁貼下價紙,就執個衛星包同個餸走人.
搭程車回家以經6點05分,買來有老婆衫三件60蚊,地拖吸水膠綿23.3蚊,男內褲兩條裝26蚊,

衛星包12蚊,煙肉兩包27.8蚊,湯圓三包18蚊,外賣餸一個23蚊.

回家老婆攤響梳化看電視,我就上網寫陣blog,啲友陸續返,8點15分煮飯,料有外賣涼瓜抆魽魚腩,青瓜,尖青椒,雞腎同豆腐,煙肉無煮到.



外賣涼瓜魽魚腩,

雞腎炒青瓜,

雞腎炒青椒,

8點55分開飯,5個人食1夜返留飯餸.