我的中山順德兩天之旅.首天(上)東升鎮脆肉鯇,西山廟,步行街雙皮奶,清暉園.

半個月前老婆話9月1日將會放假7天,叫我好諗定旅行準備,唉!我的休哉悠哉生活,又開始傷腦根了.其實都不是怎麼難事,一向跟開匯景,都不會諗其他,於是乎日日捕住匯景個網頁,成團概覽做人.
由於6號要抽血,3號星期六出團團費又貴些,為有1號開始去諗,越長越啱,去兩日又係傷腦根,去多幾天還有著數.

之後每日便睇住匯景個成團概覽做人,何能1號不是假期,團種特別少,三天四天更加無,團團都係食同酒店設施之類,日子越近同老婆講無啱團,不如唔去留響企幫我手,睇吓家居有乜要修好過,老婆鬼咬聲.

直至到距離9月1號,還有一星期,無得諗下,老婆又恨去,於是同老婆一同去匯景柜枱碰吓運氣,看有否新驚喜?從網頁看一共有三團已成團,有(中道酒店)兩天,標榜兩人同行一人價錢299,一個叫(波爾頓華禧酒店)三文魚任食兩天399,另個(中山順德昔日四大名菜)399.
3點多鐘過到匯景人唔多,稍等一個便輪到,一問之下,同我網上所看差不多,得兩團可以揀,無得揀下同老婆離開,老婆不甘心,極之想去,唉!如果夾硬要去,不如就至平嗰團,兩人報團一人收費299廣州團啦,都遇咗唔方好嘢?叫做去hea兩日啦.
 於是乎返轉頭去報,等咗個客便輪到,我又多口問句,網上看有團王媽媽私房菜成團喎?佢才幫我再check吓,佢話有呀不過好似爆咗,可以至電再問吓?能否加多兩個?本來王媽媽私房菜都去過,我叫不用問?老婆堅持問啦?結果係可以,唉!我話老婆你揸主意啦,結果老婆揼鎚去,兩位798元,無買保險.
 

2016年9月1日  昔日四大名菜.

近來旅行前夕,相當唔錯,能夠有覺好瞓,昨晚12點前都瞓,起初較難入睡,但續後還是瞓著,一覺今晨5點45分閙鐘響才醒,執妥一切,食埋個早餐,6點35分出門.

相當鬆容7點25分以經來到落馬洲,在站內稍歇陣,7點40分同老婆過關,相當順利7點54分便來到11號閘外報到.

報到後環顧吓四周,發覺人唔多,出團不多,較大幾間旅社都係得5,6支旗,最奇怪派宣單章,竟然出現喱間大嘢,連佢都來分一杯羮?

8點19分終於人齊車到上車.

坐正架匯景車,都唔錯,可惜位就差些,山頂偏左,包尾報名無偈?

9點鐘來到第二站堔圳灣上客,人齊44人出發,1小時後來到虎門橋服務區,團友鬆鬆去所,導遊話假期來連男廁都大排長龍喎,所以話閒日旅行,乜都鬆容乜都順啲.

11點16分來到中山東升鎮,食我們第一餐午飯脆肉鯇魚.




整團44人分4圍,大part12人一圍,其他分兩圍11人,一圍10人,我圍11人加個餸,每圍主角脆肉鯇5大碟.

今餐第一餐,晨早餓到加吓,5碟脆肉鯇食極唔完,真係大飽魚福,11人加碟蒸排骨,我未夾過一注,太多魚片太美味.





滿肚脆肉鯇,飽飽的12點40分離開東升鎮,

一路向順德進發,

13點半鐘來到此團第一個景點山西廟,





遊完間廟兩點鐘,就落起雨來,而且相當大,老婆為有C擋下離開.

10分車程來到步行街,幾年前來過,無嘢好行,行程下午茶喎,食雙皮奶,

還是行頗遠間民信,



起初以為我團44人,人太多無位,襯老婆在門口等導遊派茶券,我就老早走入去霸位,原來客係唔多,還有二樓大把位,哈!若假期來食碗雙皮奶,我諗都等餐C.
同老婆走上二樓,兩碗大會指定雙皮奶,我們加兩個涼粉,薑汁同椰汁,合共14.5人仔,

其實銷費都唔平,物價都幾高?

由於自由活動太充裕,成3粒鐘,5點鐘才集合,同老婆慢慢嘆.
慢極嘆極3粒鐘點渡過吖?上次來兩公婆走咗麥記坐,但無今次咁長時間,先前在車同團友傾過吓清暉園收費問題?團友話以經不收費多年?團友係常客,就信吓佢啦,當年同老婆經過,就係見收費,又門口所見,感覺園不太大,所以去咗麥記.
於是乎同老婆行去睇睇?咦!果然不收費,非常正,在內可以坐佢兩粒鐘.

入到去行咗陣,



 奇怪又會有閘口,又有人看守?於是乎問句,原來要買票,又話65歲以上有証明就免費,這才知道,原來開放部份做公園,內便依然要收費,見免費又不妨入去行吓?
 
 於是抛下老婆走入去行吓,老婆當然鬼咬咁聲.
 嘩!原來裡便都幾大,實在太靚,清靜幽雅,墨水有限,不懂形容添?又太多相片,未能盡post.

















草草行個圈,免得老婆在等,便行了出來,同老婆在這裡,鄧少平館外與黑貓白貓坐咗好耐才離開清暉園.

返回候車地方,稍等17點鐘人齊又出發,

篇幅太長,下篇再續.