睡來還可,空肚抽血,剪個髮,飲餐茶,買個煲,晚飯5人食.

明早心臟科空肚抽血,昨晚飯後早早擦定牙,12點前都瞓,一覺今晨5點鐘又醒,真吹漲?瞓不返,為有耳筒待候,就係咁矇曨到8點鐘,嗱淋起來洗面,灌下杯半水便出門.

天陰陰地濕晒,微微點雨,踩著部單車,大佬咪落雨呀,C趕爛趕下,8點20分到李家誠診所,拿過飛仔B71坐下,螢幕顯示大約要等20位,坐下大約15分便叫到,7號位抽血,小痛下5筒血,按住走得,返歸還是無下雨.

回家才9點20分,老婆還在瞓,辦大事,番熱木耳漿食,老婆才蒲出來,外便傳來拆嘢聲,原來晾衫架完工,拆走吊船,上網寫下今早事,搞早餐,還是奶麥芝士飛碟,同老婆兩人食.

餐後量血壓114/70-63,食過今早藥,又開始我今日事上網.
上輪網,出埋最後篇中山順德兩天blog又11點半鐘,上陣網收到黃果樹團友whatsapp,問有冇時間傾電話喎?奇怪?有乜事whatsapp可以啦?於是撥個輪過去睇吓乜料.哈!原來吐苦水,說whatsapp講不完喎,要口述喎?
事原我1號跟匯景中山順德兩天,whatsapp啲相過佢睇,佢話精彩喎?佢就3號廣東旅遊,東莞全港獨家五星酒店兩天,團費500元,一人收費,二人成行喎?話去到酒店乜設施都無,泳池又乾塘,麻雀耍樂又話無,唔知過來做乜喎?房間冷氣又唔夠,叫做三餐自助餐還可以.
標榜五星竟然乜都無,又話同團有內地客喎,張椅較到低低,頂住後便佢,極唔服喎,所以要至電同我呻喎,哈哈.
好啦,記然一肚氣,就同你在這裡宣揚吓這張Holland Cheque啦.

寫陣blog,嘩?乜1點半鐘?又忘記睇華月傳?係時候出街行吓,去邊呢?我話頭髮長長不如去剪髮,老婆上緊網,聽見我話剪髮,嗱淋話你先行,到剪得才打電話過我,是但啦,
於是踩部單車過瀝源,還是剪開嗰間,然後至電個老婆到咗,稍等兩個客便輪到,還是嗰句同我剪短佢,誰知今次無上次咁短,可能季節關係,無上次咁短,睇落又幾好,問用不用剃鬚?唉?都係免,一來怕損傷,最怕女人幫剃鬚,磅水30蚊走人.
至電個老婆還在巴士站,還未上車喎,唉?真麻煩,不如上富臨開定位等,兩點半鐘上到去,超靜得7成客,開了茶等咗好耐,老婆才到,剔嘢食,我就义瀨,老婆鵝瀨,三個點芯,吃過坐夠老婆找數86蚊.
 
返回瀝源759,有節都無用,啲價抬高晒,老婆剩係執包米通7.2蚊出來,又行日本城,心水BB煲特價88蚊,幾個月前睇139元,嘩!超抵,但怕搞錯,都係過禾輋間日本城再睇過,同老婆又分道揚鑣,佢行路我踩車.
老婆又幾快,上到日本城稍為睇吓個BB煲,老婆以經到,拆開幾個來揀吓,結果執個碌咭88蚊走人,商場內銀行機打打薄,同老婆又麥記食雪糕.
坐夠同老婆又兵分兩路,返回沙田街市,坐響街市門口等老婆,又見嗰個人響度食麵包,又係佢啖,班麻雀仔又食啖,

無麵包時,幾隻雀仔望主個麵包佬等食,我話等住你呀,哈哈.

無耐老婆到,上街市,行轉買咗10蚊蝦米池魚仔走人,跟住又銀行打薄,打完薄行百佳,睇吓有無特價冰鮮雞賣,結果係無.
同老婆又各有各返歸,樓下街市買蕃茄同紅莧菜合共11蚊返歸.
回家6點半鐘,買來有BB煲一個88蚊,759米通7.5蚊,星盆隔6蚊,洗潔精28蚊,紅莧同蕃茄11蚊,蝦米池10蚊,合共150.5元



回家老婆處理今晚餐餸,我就上網寫今日blog,一寫成8點幾鐘都唔知?嗱淋煮飯,料有紅莧菜,蕃茄,雞蛋同蝦米池.

蕃茄蛋

香煎蝦米池,

灼淥紅莧菜,

連隔夜湯5個人食1夜返留飯餸.