睡來尚可,尼姑大盛宴,粥麵下午茶,麥雪糕,12蚊胃食咭,晚餐拉麵兩人食.

昨晚電腦好唔掂?滑鼠唔聽駛,寫編blog寫到火滾,出埋篇blog,都要十二點鐘至瞓得,夜所一劑,便瞓到今早八點鐘醒,手機賴床見whatsapp傳來有條咁既片,於是乎上youtube摷吓,果然新鮮熱辣,出自2017年4月6日上載,尼姑嫁人,眾師姐盛裝出席,真係世界之大,無奇不有?

九點鐘起來,洗面搞早餐上住網食,寫下今早事,餐後1002量血壓138/70-54,吃過今早藥辦大事.
上輪網又一個上午,關機看電視,1點鐘心思思唔知自己想點?去游水吖?定係等老婆返出鴨寮街睇吓電腦行情?結果都係懶無去游水.
1點半鐘老婆返,我話鴨寮街睇電腦,老婆話恰陣眼睏先喎?佢要恰陣,我就開著部電腦,研究吓滑鼠乜原因?係咁大量刪減啲相同片,又似乎好啲?
搞到2點幾鐘,老婆話去啦,我話咁晏唔去囉,就樓下食啲嘢行吓好過,落到商場,選擇食粥,老婆艇仔粥21我就碎牛粥21加碟炒麵8蚊,合共50蚊,

吃過坐夠走人.
行轉惠康無買嘢,返落麥記老婆叫食雪糕,都好又坐吓,同老婆每人一杯合共16蚊,又坐咗輪,臨走職員叫買胃食咭12蚊,諗吓食兩次以經響度,於是老婆買咗張,日子就去到7月.
 
離開麥記去街市,老婆話拜山要買定鴨蛋,唔係到時無得買喎?10蚊5隻,買咗20蚊,跟住買斤菜芯5蚊返歸.
回家5點鐘,好攰好眼瞓,攤響梳瞓著覺,個仔返說忘記話佢兩個今晚唔食飯喎?唉!早響唔鬼買菜.
7點多個仔出街,我才上網寫我今日blog.
夜啲唉!兩個食煮啲乜好呢?老婆又話煮乜煮勿?都唔鬼理佢,就煮喱個啦?料有鹹牛肉,蕃茄,雞蛋,芝士同拉麵.
2042開餐,芝士蛋蕃茄免冶牛拉麵,同老婆兩個人食,飯後果啤梨.