睡來唔錯,茜芹甘筍打啤梨,下午茶大家樂,三人麥記雪糕,晚飯4人食.

昨晚出埋篇blog都差不多12點鐘,12點幾鐘至瞓,5點多啲鐘醒,去個所還好瞓返,一瞓就0730醒,手機賴床0830起來,陽光入屋,調整吓曬晾洗面搞早餐,食住上網寫下今早事.
餐後食過今早藥又1000,新抱蒲頭,原來個衰仔放假,話落麥記買早餐,問食唔食?當然唔食,佢買回來兩公婆食,吃後新抱返工,稍後個仔出埋街.
上輪網11點多鐘關機,揾啲嘢搞吓,西芹半棵,甘筍兩支同啤梨兩個,一打1245搞掂成漿,慢慢食.
 
 1330老婆返,老婆攤陣,兩點多鐘同老婆落街食嘢兼買餸,今日唔多行遠,就樓下食大家樂,老婆鐵板排骨烏冬餐28蚊,我就雞翼炒麵餐24蚊.
 
以為靜靜哋坐吓啦?誰知老婆後便枱條大陸仔擒來擒去,其實父母都又話佢,唉?都唔知係咪大陸細路特別百厭?真係無符?還好下午茶黃金時間過,大把吉枱,才舒舒服服坐番陣,在坐其間,見個仔走入7仔,唉!唔方好嘢,9成9買煙仔啦.
老婆至電個衰仔入來,話茶飲過喎?三個人坐咗好一會,老婆又嗌食雪糕喎?咁又轉移陣地麥記食雪糕,每人整杯又坐一陣.

坐夠手機夠個仔走先,我同老婆就行超市,買包特價啤梨5蚊係咁多,成日忘記買電心?今鋪無走雞,日本城買排電心11.5蚊,老婆話商場買齋鹵味喎?誰知行到齋鋪,就掂行掂過?我特登唔出聲,我話你老人痴呆吖?她才如夢初醒?老婆買盒齋20蚊,跟住街市買隻木瓜7.4蚊,蕃茄4.5蚊返歸.

 回家1712,個仔又係砌緊佢啲模型,老婆立即煲個湯,料有木瓜隻,花生眉豆同雞腳.
 
老婆煲湯須時,花生烚極未稔?為有同佢轉落壓力煲,啤多佢10分鐘搞掂.
才來煮我最後個餸,茜芹雞柳.

2007開飯.
西芹雞柳.
 
外賣齋鹵味,
 
花生眉豆木瓜煲雞腳.
 


4個人食1夜返留湯飯餸.