睡來可以,滑鼠超遲鈍,游水600m,食美心,買餸返,晚飯4人食.

前晚多夢瞓不好,昨晚11點多頂不住要瞓,夜所兩次便瞓到今早0745醒,去個所回來便手機賴床.

一賴9點鐘起來,右腳膝後條根扯住,伸展有點痛,希望等陣無事啦?昨晚算叫做好瞓,看來今日會好啲卦?起來新抱出門番工,日日如是調較吓曬晾,洗面搞早餐,食住上網.
寫下今早事,餐後0946量血壓133/74-57,食過今早藥辦大事,事後續上網,滑鼠動不得,唉!無得玩,1136關機係咁先.
看電視到1300執嘢去游水,天氣咁熱摷番條短褲出來,成1點多啲鐘出門,行人隧道遇老婆返.叮囑老婆等陣帶埋銀行薄打薄.
過到泳池1326,更衣室搞掂一切上池,稍熱身1342下水,埋頭慢游600m夠數,1414起水走人,更衣室沖個勁熱水涼,至電個老婆美心等,同呀王吹陣水走人.
過到美心揾定張靚枱,老婆1513才到,我就要個燒鴨米加奶茶28.5蚊,老婆又係飛碟餐24蚊,

我講笑老婆你減肥吖?吃過坐過手機夠走得.
離開美心1620,諗住去銀行打薄啦?誰知老婆話忘記帶薄喎?咁就無偈,為有柜員機,查查數走得,離開柜員機鋪買餸,還是三超一街市.
行入百佳見特價蕉6蚊大大份,買份走人,跟住行街市,無嘢啱買走人,跟住佳寶,去到門口啲椅坐吓,坐咗好一會便佳寶,佳寶多春魚16蚊磅,一秤13.4蚊走人,巡例上759踱吓,今日正,公,超抵價八折,場面冷清,入去都係睇吓有乜折實新貨買,又試吓這款大陸罐頭沙甸魚,折實價6蚊罐,執佢三款18蚊試吓?
 
離開759以經1740,風好大還有幾粒雨,同老婆都係兵分兩路,佢剩車我踩車回家.
返回邨口巴士站,老婆以經到,齊齊返歸.
回家1813個仔以回來,又搞佢啲模型,買來有香蕉6蚊,759罐頭沙甸三罐18蚊,佳寶多春魚13.4蚊,合共37.4元.
 
寫輪blog1946煮飯,料有菜心,西芹,腸仔,木耳,鹹牛肉,蕃茄同雞蛋.

2044開飯,有
鹹牛肉蕃茄煮蛋,

西芹木耳炒腸仔,

蠔油淥菜心,

4個人食1夜返留飯餸.

飯後果啤梨同蕉.