睡來尚可,老婆放假,行轉文化博物館,美心下午茶,晚飯兩人食.

昨晚飯後又英超,阿仙奴對曼城,你一粒我一粒,又幾精彩,可惜網絡唔太穩定,最後10零分鐘都無睇去瞓,上床都1245,還好都瞓著.

一覺今晨0545醒,遲遲瞓不返,為有塞耳收音機瞓,可能聲音大,瞓瞓吓墮入咗,比聲音嚇醒?嗱淋調番細聲點,就係咁矇矓到9點幾鐘醒.

老婆昨日頂更放今日,還在瞓,都咪理佢,起來梳洗搞餐,煲下鮮奶麥皮,開罐鹹牛肉,整個蛋牛冶,叫聲老婆,唉?話之你起唔起床.

今日以經3號,要交屋租,食住早餐交下屋租,餐後以經1043,量個血壓146/74-55,食過今早藥辦大事,見辦事得力,又上磅磅吓?哈,又幾好輕咗,139磅.

上輪網又一個上午,新抱蒲頭,原來放假,1240同老婆出街行吓,落到街諗起金庸館,不如就過文化博物行吓,過到去都諗住唔多影相.

 行完金庸館,便隔鄰間館,原來係細路館,枱枱櫈櫈丁咁大,又幾得意?於是乎又自拍一輪,
 
  拍輪坐夠出來便是高手過招,係電腦動漫畫同你拍照,見無人排隊,又試玩吓拍番張,

我就出如來神掌,

老婆就出椅天劍,
 
同老婆各玩一張後,便往上行.
上到二樓都係以前啲舊嘢,見無嘢睇便上三樓,李小龍館,徐展堂館都係去過,於是同老婆在外便長櫈坐吓,坐輪玩輪手機便離開.
落到地下行出到門口,見好多動畫好靚,又同老婆拍餐懵.

拍咗輪都成3點多啲鐘,同老婆便向希頓中心行去,一路行又睇吓有乜好食,結果都係行去沙田中心食美心.
我就要個火鴨米粉22.5蚊算,老婆就飛碟餐24.5,

 吃過坐夠玩手機,新抱whatsapp到,兩個今晚唔食飯喎,之後坐夠便行百佳,無嘢好買便行街市,見泥鯭抵食,20蚊整份走人.
行咗唔耐對膝好唔掂,同老婆都係搭程車返歸,返回樓下街市,3蚊買份菜芯返歸.

回家剛好1800,老婆處理買來菜料,我就上網寫我今日blog.
7點多鐘煮飯,泥鯭魚一共10條,就果皮蒸三條,其他煎好留明日用,

蠔油 灼淥菜芯.

2026開飯兩個人食.

 飯後果蕉同梨.