睡來麻麻晨早醒,人齊拜山日,下午茶三洋,晚無煮飯.

昨晚睇直播英超,睇到12點鐘,唉!都係唔睇上床瞓,唔知係咪無以前咁大癮?定係無以前咁好睇?一覺5點多又醒,去個所回來又瞓不返?為有歌仔塞耳瞓,矇矓到7點多鐘醒,聽吓新聞篤吓手機8點多啲鐘起來.
老婆已瞓醒,開始處理拜山事,我就洗個面番熱木耳漿,望吓天灰灰喑喑,食住木耳漿上網,寫下今早事,新抱個仔陸續醒.
辦過大事9點多啲鐘,齊齊落大家樂早餐,
 
餐後老婆買衣紙祭品,一買三份488蚊,齋鹵味三盒60蚊.連同昨日買的橙20蚊,燒酒三支18.鴨蛋20蚊,合共606蚊.

我就坐埋一邊弄貓樂,貓飬到唔怕人,喵佢兩聲竟然跳埋上你膝上,

拍輪貓照,便齊齊火車過大圍站,同個女會合,便一行六人向粉嶺進發.
到粉嶺站,由於6個人一輛的士載不下,為有齊齊乘巴士,和興站下車,步行十多分鐘便到,先拜祭呀爺,老婆帶著啲後生打點一切,我就找級靚梯級坐,擺好祭品點妥香燭,我才來殿酒拜祭,燒過衣紙祈求過,然後續一拜祭一番.
香燭點過,便到隔鄰亭拜祭父母,同樣老婆主理,辦妥一切後,我才來殿酒參拜,由於本月20號夢見父母,特地說聲父母不用卦念,現在生活尚好,希望繼續保佑我們一家身體健康,一切好下去.
續一拜過祈求過,便輪到外父外母,外父外母就隔條馬路,係較新的一期建築,有聶上4層,樓設計較為通風,吹到人都散,又無枱剩祭品,祭品要放地上,香燭要行出露台上,衣紙更要拿落地下化寶爐燒,認真麻煩,拜祭須時,企到我腳都跛.
拜完離開以經1425,齊齊踱去華明邨搭車走,好衰唔衰行錯路,兜咗去華明邨後便,諗住華明商場食點嘢?誰知華明商場大裝修,無嘢食便巴士出粉嶺站.
搭火車返歸,個仔同新抱有節目,我同個女4個人就大圍站落,大圍老婆要食三洋,每人食個下午茶餐,老婆個女食星洲米餐78蚊,呀偉义燒蛋包飯40蚊,我就吉豬包蛋飯餐40蚊,食得我飽飽,

吃後行陣街市,便搭程車返歸.
回家都6點半鐘,個女比下一大堆零食,我就上網寫今日blog ,

夜下午茶個吉豬蛋包飯還飽,這晚無煮飯.