睡來可以,電腦就打柴,游水600m,禾輋食意樂,晚飯4人食.

昨晚2330都瞓，一覺0510醒，去個所就瞓不返，到老婆起床番工還是一樣，為有耳塞歌仔侍候，矇矓到0710醒，手機賴床到0830起來。

 如常處理吓曬晾,洗面搞早餐,上網寫下今早事,餐後0928量血壓133/73-59,食過今早藥辦大事.手機辦完件大事又1011,樓上又發神經大大聲卡拉OK,黐線.
滑鼠遲鈍下上陣網都無引,關機看電視,電視又無嘢好睇,係咁新聞台又轉新聞台,足之去到1點鐘,轉季大池無得游在即,游得就游,執齊游水嘢去游水.
晏咗出門,行人隧道又遇老婆返,過到泳池1330,更衣室搞掂一切上池,稍熱身1347下水,泳客唔多,游來超爽,埋頭慢游600m夠數,1417起水走人.
更衣室沖過大熱水涼,至電過老婆,老婆話要食意樂,好,咁就禾輋等,老婆乘車須時,又同呀王吹陣水,呀王拿個耳塞來問我係咪靚嘢?睇吓個logo又無文字?真係唔識?試聽吓又雞又細聲,於是用我個插過比佢聽吓?佢都話差得遠?咁啱泳友行近,問聲佢?你上次同我講,嗰間老人醫療入會,全名係乜呀?但佢又講唔出?一味話帶我去?就在瀝源診所三樓喎?我話了解吓啫,佢走後上網一搜,原來係長者健康中心,都係時候要過禾輋會老婆,同呀王講聲,何能有排都唔來LU.
過到禾輋老婆還未到,1710老婆才到,齊齊去意樂,老婆要個忘記乜意粉餐,我又係忘記乜焗飯餐兩位合計67蚊,

吃過坐夠手機夠走人,諗住無乜好買,同老婆踱公園,行吓坐吓返歸.
誰知行到公園門口,刮起大風,灑下幾粒大大的雨,望吓個天烏雲密佈,唉!都係唔好行,同老婆走去巴士站蓋被被,都係叫老婆乘車走,我企陣無雨踩車回家.
同老婆約定麥記等,踩到回邨商場,老婆以經到咗,坐咗陣諗落連雪糕都唔咁食,兩公婆都有點咳,都咪搞,坐陣街市買個椰菜3.5蚊返歸算.
回家樓下遇啱個仔放工返,齊齊返歸都1750,寫輪郁啲唔郁既滑鼠blog,7點多鐘老婆追煮飯,唉!真係唔想郁,煮就煮啦,都係唔好搞咁多嘢,就開罐759茄汁鯖魚試吓,蒸三色蛋同油鹽炒椰菜算.
 
油鹽炒椰菜,

蒸三色蛋,

6蚊罐嘅茄汁鯖魚,似乎鹹咗啲,6蚊嘢算係咁啦.

2046開飯,4個人食1夜返留飯餸.