腳痛痊癒,游水800,大圍拮嘢,買餸94.4,晚飯3人食.

昨日腳痛行不得,好在晨早食下消炎藥,早午各一粒後,以經不用拐杖行得,晚上食多粒瞓,今早以經全無事,剩下來只有些腫,腳腫大該坐得多卦?

  

幾天來不是下雨便是假期,都無游水好幾日,1點半鐘無下雨,腳又無痛,係時候要去郁吓.

過到池搞掂一切,1點45分下水,一游500m,稍休息就落起大雨來,冒雨捱多300m夠數走人.

更衣室沖完個涼,搞掂一切還未及3點鐘,同呀王吹吹水,3點多啲鐘老婆放工來電.大圍食拮嘢喎.

過到大圍拮嘢,老婆以經在等,每人食個飯餐老婆20我19.

 餐後買餸,行轉街市買有鮮奶兩升19.4蚊,金菇三包10蚊,冰雞一隻25蚊,薯仔洋葱5蚊,節瓜6蚊,糯米滋兩磅20蚊,方包9蚊,合共94.4蚊

 

大雞斬件鹽醃好放冰箱.

 今晚餐料有薯仔一隻,洋葱半隻,雞一舊,鹹蛋一隻.

 薯容洋葱煎雞餅.

 

鹹蛋滾節瓜.

 

柚子皮

 三個人食.

 

飯後果茘枝.