瞓好咗,有鼻水,腳微腫,老婆放假,大乜樂下午茶,大佬處借電批,晚飯兩人食.

昨晚11點多鐘瞓,一覺今早7點半鐘醒,少有可以瞓得咁晏,老婆放假已瞓醒,稍頼起來洗面早餐兼上網,今早起來有幾個噴嚏,鼻水多咗,唉!希望係正常啦?,耳鳴差不多輕微,腳以經無痛,腫還有些少,早餐後辦妥一切,差不多9點半鐘,我就神的晚餐,老婆就上網,真唔明佢上網睇乜?又要寫又要問字點寫?

 尚有些微腫.

看陣電視又一個上午,個女瞓醒,家居大改革,各自執拾東西,老婆還是上網,都唔鬼理佢,到2點鐘我換衫,老婆才懂關機,齊齊落大家樂下午茶.

茶後街市買點菜返歸,回家諗吓度吓,個女比下家用,又3點半鐘,由於家居改革須要儲電批,於是上大佬借電批.

大佬住上水,火車行到頭卡,好彩有個近門邊位坐,火車去到大學站,上了好幾個女人,起初還以為學生,望吓佢哋大細包,原來係內地人,唉!內地人即內地人,個女人穿著條闊闊裙,挨著扶手背住我企,我穿的是短褲,大佬條裙呀,條裙係咁在我膝頭,挨挨樣樣,間中小腿還碰著我腳,有無感覺架?縮都唔縮吓,出聲又話歧視,我忍你,終於到上水站.

上到大佬處4點半鐘,大佬剛種田回來,種有他的成果,同大佬傾輪近況,話呀嫂在旅行潮汕喎,又講吓佢種田心得,佢話果蠅嚴重,種有的都比佢蛀爛晒,傾輪坐輪5點半鐘,係時候要走.

大佬給了他成果過我,有豆角,茄瓜同辣椒.

借來儲電批.

抽著兩樣搭火車返歸,大概放工時間卦?行到頭卡還是無位坐,企足全程返歸.

回家己經6點半鐘,寫輪卜,嘩!咁晏?嗱淋煮飯,菜料有紅莧菜7蚊,大佬的白豆角,同昨日鹹雞.

 

白豆鹹雞焗飯.

 蒜子淥紅莧.

 兩個人食.