早睡晨早醒,漱口嚇襯,老婆放假行轉禾輋,晚飯三人兩餸.

昨晚11點零都瞓,一覺晨咁早未及5點鐘以經醒,無辦法?為有笠隻耳筒聽歌仔,好不容易等到6點45分起來洗面,一拿起個漱口盅,被佢嚇一跳,有隻昆蟲被困漱口盅,反轉肚係咁腳撐撐.

洗個面上網,老婆今日放假亦瞓醒,老婆梳洗後齊齊食早餐,吃後佢就清潔神枱,我就繼續上網.
9點半鐘看電視J2,神的晚餐,看完10點半鐘,老婆放假去邊處好呢?不如輕鬆啲行公園.
11點鐘來到乙明對公園,樹蔭下有點風,同老婆足足坐咗成粒鐘.

  

坐夠同老婆移動,向城市廣場行去,行吓坐吓去到市廣場,

  

  

城市廣場自從轉高擋嘢,都什少來過,同老婆行上高高一層,找個冷氣靚位坐下,實行45分鐘免費wifi,又點會wi得咁耐吖?坐陣wi夠走人.
老婆番工後,金寶徑都無來過,先來到卜佳,又入去八吓,嘩!16.9蚊磅金枕頭,又揀個來熬吓,嗰然響的,可惜太貴都係望吓算?

離開卜佳出來,見隻貓在猛烈陽光下,係咁癲來癲去,一點不怕地下熱,今日陽光猛到曬C人,可能隻貓曬蝨乸,係咁全身每寸都癲勻,癲咗成10多分鐘.
 
,看完隻貓打滾,便重拾舊路,向禾輋行去,好不容易來到禾輋麥記,

 

幾大都坐吓,整杯雪糕歇歇腳,都係咁啦,吃過wi過又行.

商場行個圈昅過晒,便走去意樂下午茶,可能午市人未散,要攞飛等位,午市陸續人散,好快有位,弍人對號位無騷擾.
坐下見隔鄰枱,食完個餐得兩杯嘢在飲,見佢係咁追件西多士?我同老婆點嘢食,我就要意大利雜菌蕃茄長通粉,飲奶茶26蚊.

 老婆就煙鴨胸野菌扁意粉餐,飲檸水26蚊.

 我們餐來到,又見隔鄰枱又追件西多,個客個女人話,不如唔好等走罷啦?聽兩人所講,話等咗成粒鐘,嘩!真係好脾氣,比著我唔該找數,西多士無到,唔該計一個餐?

追過幾次後,件西多終於到,待應話漏單喎?追咗幾次才說漏單,有無搞錯?兩人沖沖食過便埋單走人,哈!走後又漏低咗把風扇仔,本來待應可以追出去叫住個客,但無做到?重話天氣咁熱,佢哋會回來攞喎?認真黑仔,確係倍了夫人又折兵.

同老婆吃過坐夠,老婆找數盛惠52蚊,商場之前巡過,獨係大昌有嘢買,買有加國鹹豬手兩隻39.8蚊,辣椒豉油6.9蚊,花奶兩罐17.8蚊,合共63.6蚊,搭程車回家,樓下街市買三隻蕃茄5.5蚊返歸.

 回家4點半鐘,實在太攰,攤響梳化瞓著覺.

夜點煮飯有大雞1/4隻6.5蚊,南瓜一舊仔,蕃茄三隻5.5蚊,雞蛋兩隻2蚊.

 

大雞1/4隻蒸熟.

 

大雞蒸熟食半,其如南瓜切片,蕃茄脫皮切舊,雞蛋兩隻打爛.

 蕃茄蛋

 南瓜蒸雞

 三人一夜返,留飯餸,今餐盛惠約12蚊.

飯後果神枱柚子,由新年擺到+吓,又OK喎,又甜又有番咁上下水份,吃後老婆發神經,話要整碌柚皮喎?哈!睇吓點?