睡來可以,與友石仔嶺探戰友,老婆共女街街,晚飯一人食.

昨晚食完餐飯還早,睇跑馬,第5場買10蚊玩吓,最熱搭最冷,結果熱頭冷尾輸埋,去到尾場,李麗微才真正最熱搭最冷,派彩979.元唉!無偈,跑完尾場我都瞓.

一覺今早6點多,老婆返工我賴床,一賴成8點鐘才起來,有點夢,睡來OK啦,洗個面上陣網早餐,辦埋大事又9點半鐘,坐定定J2神的晚餐.
12點多鐘老友來電,話今晚不用煮飯,去探戰友喎,我話好,佢話要3點鐘才去得,唉!晏就晏啲?都好,好過唔去吓?
收線後至電戰友,確實無問題?戰友叻叻話會自己食飯,不過有點手震,好高興聽到佢,可以自己食,食得有尊嚴嘛.
中午食個麵,又上網研究吓個雲端硬碟,2點多啲鐘,係時候出門,過沙田站會合老友,在沙田站頭等咗10多分鐘,啱好3點鐘老友到,一同火車上上水.
有位坐好順利,去到上水站,戰友交帶落買椰撻,美心買後3點26分來到小巴站,老友要吸煙,在這裡稍等.

 

入到石仔嶺老人區3點50分,戰友瞓緊覺,於是拍醒佢,老友帶來盒燒味,好想把酒當歌,可惜無買啤酒來,於是齊齊去揾吓有無小賣部,問過後竟然無?汽水機就有,部機好隱蔽,兩條友兜個圈才找到,一式價6.5蚊汽水,真唔明咁大個老人區,竟然無人做小賣部生意.

 買完汽水叫呀姐來,幫戰友起床,外便實在太熱,室內有冷氣,又叫呀姐拿張枱仔來,在窄窄房間內開餐,呀姐好好人,叫呀姐一齊食,呀姐好客氣,我為有篤舊過佢,當慰勞吓佢.
戰友比前進步得多,可以坐得隱,而且可以坐得好耐,勉強可以拿起汽水飲,連呀姐都讚佢,話佢食飯可以自己畢,戰友話全靠物理自療喎,現在每星期一次.

 同戰友食吓傾吓,姑娘經過大讚我們來探,傾吓坐吓又5點鐘,院友食飯時間,我們都要走,為有下次再來過.

同老友小巴,火車,傾吓講吓話咁快返回沙田,以經6點鐘,商場買4片方包4.5蚊返歸.

回家老婆同個女街街,今晚食自己,夜點煮飯,雪柜料高麗乾菜一執,唯一豬扒一件,雞蛋一隻.

 

有菜有肉有雞蛋.

 飯一煲一個人食.

飯後蕉