睡來唔錯,游水800m,行轉禾輋瀝源買餸返,晚呀茂煮飯三人食.

昨晚11點鐘都瞓,一覺今早6點半鐘醒,開著部收音機,半瞓半賴到8點半才起來,少有瞓得咁晏,洗個面以經急不及待要大,昨晚茄瓜南瓜了得,跟住早餐,早餐完以經9點多啲鐘,又要看電視,神的晚餐.

上吓網看吓電視又中午,個女瞓醒整嘢食,問我食唔食?是但啦,結果整咗份騎哩嘢,茄汁豆係自己加上去.

 

吃後看埋個午間新聞,係時候去游水,陽光還是超猛,更衣室搞掂,上池稍熱身,2點正下水,一游500m,稍唞再游300m夠數走人,更衣室搞掂差不多3點鐘,稍坐陣老婆放工來電,我話你番歸食埋啲米粉啦,哈!佢話明天提前做節,要去吉豬買雞,無偈啦,咁就禾輋吉豬等.

過到去禾輋,老婆同步到,齊齊吉豬看過,確定有雞賣,咁就陪老婆食嘢,老婆揀意樂,唔搭枱要稍等,有位後我就沙律餐飲奶茶19蚊.

 老婆熱狗餐飲檸水22蚊.

 吃後坐陣行商場,還要買雞都不敢多行,行完大昌行惠康,榴槤又特價10.9蚊磅,街市都要13,4蚊,超市有度好,任揀唔嬲,求其執個熬吓聞吓,又響又香得啵?我話買個細細哋算,老婆C貪心係都要個大,唉!是但啦,就執個大的.

 

一秤10.9磅,盛惠74.6蚊.

  

離開惠康落樓下吉豬,揀咗隻雞,38.9蚊,越賣越貴?

離開吉豬諗住分道揚鑣,佢搭車我踩車返歸,佢又話要佳寶買啤酒,焗住推部單車,邨過邨一同踱過源瀝街市,又曬又熱踱去佳寶,佳寶買8罐啤酒20蚊,買舊豬展22.5蚊,之後才分道揚鑣,佢巴士我踩車返歸.

 又咁橋大家同步返到單車場,街市買個椰菜2.5蚊,蕃茄兩隻2.5蚊,臨行老婆又話要買雞蛋仔,我抽住袋嘢,都無你咁好氣,先行回家.

行轉禾輋瀝源樓下街市,買有啤酒10罐20蚊,椰菜同蕃茄5蚊,冰鮮雞38.9蚊,豬展22.5蚊.

 

老婆回來買的雞蛋仔兩邸,格仔餅一邸共12蚊

今晚餐料有紅蘿蔔0.5蚊,甘菇3.3蚊,椰菜2.5蚊,蕃茄2.5蚊,豬扒7蚊同雞蛋3蚊.

 

  層層疊三個人食,今餐盛惠18.8蚊.

飯後雪條.

 

昨日單車賴嘢,到+吓才發覺,我小腿瘀咗一撻.

 老婆切片,我喱個無牙佬食.