一切良好,整日在家,老婆大圍拮嘢,晚飯二餸兩人食.

昨整日在家沉迷馬仔,結果供獻40拾大元,無買餸倉底料煮餐飯,同老婆兩人食,跟住武則天未完,已經周公叫,就係咁早早瞓著.

 一覺今早6點閙鐘醒,老婆返工,我就賴床到7點半鐘,好滿足,近排從未如此瞓咁多.

洗個面望吓啲花,殘過乜,去咗兩日旅行,個女上埋防風板開冷氣,散熱唔夠焦咗LU.

 一切良好花唔好,上陣網開埋個大,昨日半罐蘋果醋,嗰然了得,形勢大好上磅磅,不過不失140.

食埋個早餐量個血壓,好靚仔.

 

去咗兩日旅行,無睇幾集神的晚餐,係時候mytv追番吓,一追兩集又12點多鐘.

1點多鐘淥個生麵加幾條脆皮腸仔,又幾好食,吃後諗住去游水,誰知雷暴警告,無得游.

 看吓電視又3點鐘,老婆放工,大圍會合,老婆食拮野,中午食過麵我都係免,坐夠就行街市,行轉街市無嘢好買,雞寶買隻冰雞25蚊走人,返回自己街市買條勝瓜7蚊番歸.

 夜點煮飯,有倉底豬扒兩件約6.2蚊,勝瓜一條7蚊.

 XO醬蒸勝瓜.

椒鹽蒜香豬扒.

 兩個人食,今餐唔計醬料,盛惠13.2蚊.